مصدر الموضوع الاصلي: ترقبوا معنا عمدة كفر البلاص

مصدر الموضوع الاصلي: ترقبوا معنا عمدة كفر البلاص

شكرااا حنين

بالانتظار

مع انني لا احب القراءة كتير

مصدر الموضوع الاصلي: ترقبوا معنا عمدة كفر البلاص

مصدر الموضوع الاصلي: ترقبوا معنا عمدة كفر البلاص

شكرا لك

مصدر الموضوع الاصلي: ترقبوا معنا عمدة كفر البلاص

مصدر الموضوع الاصلي: ترقبوا معنا عمدة كفر البلاص

مصدر الموضوع الاصلي: ترقبوا معنا عمدة كفر البلاص

بالانتظار

مصدر الموضوع الاصلي: ترقبوا معنا عمدة كفر البلاص

مصدر الموضوع الاصلي: ترقبوا معنا عمدة كفر البلاص

شكرا

مصدر الموضوع الاصلي: ترقبوا معنا عمدة كفر البلاص

تشرفت بكم واتمنى تكون القصه عاجبكم

موعدنا غدا مع الحلقه الرابعه

وعمدة كفر البلاص

مصدر الموضوع الاصلي: ترقبوا معنا عمدة كفر البلاص

جميلة حنين فى انتظار باقى الحلقات

مصدر الموضوع الاصلي: ترقبوا معنا عمدة كفر البلاص

مصدر الموضوع الاصلي: ترقبوا معنا عمدة كفر البلاص

مصدر الموضوع الاصلي: ترقبوا معنا عمدة كفر البلاص

مصدر الموضوع الاصلي: ترقبوا معنا عمدة كفر البلاص

عمدة كفر البلاص (5)

( طرقات أياد قوية تدق الباب ،
تدق و تدق و تدق ،
فتح العمدة الباب و إذا بشيخ الخفر يخر على يديه مقبلا ، يصرخ )
أبوس إيدك يا حضرة العمدة خبيني .
فيه إيه يا وله ؟
أهالي البلد عاوزين يقتلوني .
نعم نعم نعم نعم ؟ إنت بتستهبل يا جدع أنت و الا إيه ؟
تلاتة بالله العظيم بأكلمك جد ، أهالي البلد هاجم و اتلموا كلهم بربطة
المعلم و قالبين البلد عليا عشان يقتلوني .
و فين القلاضيش بتوعك يا سبع البرمبة ؟
ضربوهم و خدوا منهم البنادق كمان .
إهي ؟ دي ثورة بقى ؟
و أي ثورة يا عمدة ؟ دي و لا بتاع عرابي .
لا حول و لا قوة إلا بالله ....
( فجأة يظهر ضوء المشاعل يضيء سماء القرية من بعيد )
أهم يا حضرة العمدة ....
إيه ده يا وله ؟ معقولة ؟
مش بأقولك مش ها تصدق إلا أما تشوف بعنيك .
استغفر الله العظيم ، هو إنت عملت لهم إيه يا منيل على عينك ؟
و هو أنا بأعمل حاجة إلا بمشورتك يا حضرة العمدة ؟
إيوة إيوة يا كهين يا ابن السهن ، لزقها فيا أنا دلوقتي ، طب إيه رأيك يا
له امشي انجر من هنا خليهم يقطعوك حتت .
( يخر على يديه يقبلها )
لا أبوس إيديك يا عمدة ، دول مش ها يخلوا في جتتي حتة سليمة .
اتمسكن اتمسكن يا وله ، تعرف إن إنت صعبت عليا ....
( صوت زئير الأهالي يعلو أكثر فأكثر مع اقتراب ضوء المشاعل )
أرجوك يا عمدة خبيني أنا في عرضك ...
طب خش استخبى أنت ورا الباب لحد ما أشوف آخرتها .
( يقف العمدة في وجه الطوفان الهادر ،
بمجرد رؤية الأهالي للعمدة تتخافت الاصوات شيئا فشيئا ،
حتى يسود صمت رهيب ،
لحظات من الصمت تخيم على الجميع ،
باغتهم العمدة )
فيه إيه يا بلد ؟ خلاص ما عدلكوش كبير خلاص ؟ بقينا زي الكلاب المسعورة
بننهش في لحم بعض ؟ ده اللي مالوش كبير بيشتري له كبير يا عالم ، و أنا
كبير البلد دي ، و ها أفضل طول عمري كبير البلد دي غصبن عن التخين فيكم ، و
اللي مش عاجبه يوريني نفسه .
( خيم الصمت على الجميع و كأن على رؤوسهم الطير )
أيوة كده ، ممكن بقى نتكلم بهداوة ؟
أولا أنتم سيد العارفين إني بأحترم أقل جزمة فيكم ، إنتم أهلي و عزوتي و
ضهري و لا يمكن أبدا أرضى إن حد يهينكم أو يتطاول عليكم ، فهموني براحة كده
إيه الحكاية بالظبط .
شيخ الغفر يعيث في القرية فسادا يا حضرة العمدة .
و هو أنت بقى الزعيم يا شيخ جمعة ؟
لا أنا بس ممكن تقول كده المتحدث الرسمي ...
آه المتحدث الرسمي ؟ أمال مين الزعيم فيكم ؟
( تتكلم إحدى نساء القرية )
ما فيناش زعيم يا عمدة ، كلنا كده مع بعض بربطة المعلم زي ما أنت شايف .
يا حلاوة يا ولاد ، دي القوالب نامت و الانصاص قامت ، ده النمل طلع له
سنان أهو ، ده الحريم كمان صوتهم علي أهو و بيلعلع .
ما حناش بني آدميين و إلا إيه يا عمده ؟
إنتي ها تركبيني الغلط من أولها يا بت يا خضرة و إلا إيه ؟
العفو يا حضرة العمدة ، المقامات محفوظة برضه .....
طيب قولي إنتي ، ماله شيخ الغفر ؟
يا ريت شيخ الغفر بس يا عمدة ....
مين كمان ؟
الغفر كلهم يا عمدة من أولهم لآخرهم .
( عندها يقاطعهم الشيخ جمعة )
لا يا خضرة ، حرام ، الشهادة لله مش كلهم ، الغفير محسن عمرنا ما شفنا
عليه حاجة كده و إلا كده ، مية مية الصراحة ، و برضه الغفير مطاوع مش بطال .
( ينفذ صبر العمدة )
أنت بتنقي خيار يا شيخ جمعة ؟ هو إيه اللي ميه ميه و إيه اللي مش بطال ؟
عملوا لكم إيه بقى الغفر و شيخ الغفر يا بت يا خضرة ؟
أبو سليمان بيتعرض لي في الرايحة و الجاية يا عمدة ، و لما اشتكيته لشيخ
الغفر لقيت ما أسخم من ستي إلا سيدي ....
لا حول و لا قوة إلا بالله ...
( يقاطعهم أحد رجال القرية )
و أنا كمان يا عمدة ، الغفير عوضين كل يوم لازمن يقعد عندي في القهوة و
يشرب له حجرين تلاتة معسل و ما يدفعش ....
و إنت ساكت له ليه يا فالح ؟
مرة ما رضيتش قام مكسر لي القهوة .
وما اشتكيتش لشيخ الغفر ليه ؟
ما أني رحت لشيخ الغفر ، قال لي عوضين هو اللي ماسك قياس الجودة و لازم
يطمن على المعسل اللي بأشربة لأهل البلد إن كان مغشوش و إلا مش مغشوش ...
لا إله إلا الله .
( يقاطعهم آخر )
و أنا كمان يا عمدة ...
فيه إيه أنت راخر يا حاج عليوة ؟
الغفير خميس كمان يا عمدة يوماتي على الله ، لازم يعدي عليا ياخد بصل و
فجل و جرجير .
( تقاطعه زوجته )
و مراته كمان يا عمدة بتعدي عليا في البيت كل يوم تاخد مني لبن .
بيشتروا منكم يعني ؟
هههههههه ، يشتروا مين يا عمدة ، خلي الطابق مستور ، ده كل ما نسألهم
يقولوا ، معقولة تاخدوا فلوس من العمدة ؟
نعم نعم نعم نعم ؟ هي الحاجات دي بياخدوها بحجة إنها رايحة لدار العمدة ؟
أيوة و الله يا عمدة ، بس الكلام ده طبعا ما يخيلش علينا ، و هو إحنا لسه
ها نعرفك يا عمدة ، ده أنت بتاخد من بيتك يا راجل و تدينا ، ربنا يخليك
لينا يا عمدة ....
( عندها يهتف الأهالي )
ربنا يخليك لينا يا عمدة ، ربنا يخليك لينا يا عمدة ...
( عندها يرفع العمدة يده )
شكرا ، ألف شكرا ، طبعا أنا مش ممكن أبدا أسكت على البلاوي دي كلها ، بس
برضه أحب أقول لكم كلمتين تعلقوهم حلقة في ودانكم ،
الغفر دول أنا جايبهم منين ؟
ما تردوا عليا ،
أنا جايب الغفر دول منين يا بلد ؟
من كفر أبو حطب ؟ و إلا من أبو زعيبل ؟ و إلا جايز م البندر ؟
الغفر دول م البلد دي و إلا مش م البلد دي ؟
ما تردوا ، ساكتين ليه ؟
شيخ الغفر ده مش يبقى ابن خالتك بهانة ياد يا حسان يا أبو شقفة ؟
و يبقى ابن عمك حصري يا حاج خضر ؟
حصل و إلا ما حصلش ؟
حد فيكم يكذبني يا بلد ،
الغفير أبو سليمان ده مش عمك ياد يا حسان ؟ و جوز خالتك سعدية و إلا مش جوز
خالتك سعدية ياد يا توفيق ؟
عوض ده يبقى لك إيه يا حسين يا أبو أليطة ؟ خالك و إلا مش خالك ؟
يعني شيخ الغفر ده و الغفر دول كلهم منكم و فيكم ،
حد منكم يعرف يطلع لي شربات م الفسيخ ؟
حد فيكم يقدر يعمل لي من الجلة (كالونيا) ؟
طبعا مستحيل ، الفسيخ عمره ما يطلع إلا مش مملح ، و الجلة برضه عمرها ما ها
تطلع إلا ريحة منيلة بستين نيلة ،
و أنتم برضه لو عصرتكم كده على بعضيكم مش ها تنزلوا غير شوية غفر زي دول ،
يبقى حكمكم على الغفر حكم على نفسيكم ،
و طالما الغفر اللي طالعين منكم زفت يبقى أنتم زفت مقطرن يا بلد ،
و يبقى أنتم اللي عاوزين رباية من أول و جديد يا بلد ،
( عندها يلوح العمدة ب (خيزرانته) في الهواء فتصدر صوتا مخيفا )
و تلاتة بالله العظيم كبرت في دماغي و لازم أربيكم من أول و جديد ...
( ينطلق الناس فرارا ، بينما ينطلق العمدة خلفهم يشق الهواء بخيزرانته يصرخ
)
تلاتة بالله العظيم لأربيكم يا بلد ، و الله لأربيكم يا بلد .....

( يتبع )

مصدر الموضوع الاصلي: ترقبوا معنا عمدة كفر البلاص

بالانتظار

شكراااااااااااا

مصدر الموضوع الاصلي: ترقبوا معنا عمدة كفر البلاص

شكرا

مصدر الموضوع الاصلي: ترقبوا معنا عمدة كفر البلاص

شكرا

مصدر الموضوع الاصلي: ترقبوا معنا عمدة كفر البلاص

شكـــرا لك

مصدر الموضوع الاصلي: ترقبوا معنا عمدة كفر البلاص

مصدر الموضوع الاصلي: ترقبوا معنا عمدة كفر البلاص

بانتظار الباقي شكرااا على السرد الرائع

مصدر الموضوع الاصلي: ترقبوا معنا عمدة كفر البلاص

مصدر الموضوع الاصلي: ترقبوا معنا عمدة كفر البلاص

مصدر الموضوع الاصلي: ترقبوا معنا عمدة كفر البلاص

مصدر الموضوع الاصلي: ترقبوا معنا عمدة كفر البلاص