مصدر الموضوع الاصلي: (((قلوووب متكسررره))) روايه سعوديه كامله

(((قلوووب متكسررره))) روايه سعوديه كامله


المقدمه//

الحمدلله الذي قدرني ان ارضى اناسآ امثالكم

احببتهم من اعماق قلبي وأنصت إلى أرائهم

كثرت الرسائل وزادو القراء ففرحت لوجودهم

وزادو للطلب هاذه الروايه التي اتمنى ان تنال اعجابهم

وانا ممتنه لكل واحد وحده شجعني وزادوني اصرار على تحدي نفسي ومن حولي لأكمالها

لاني لأنكر اني محطمه من القريبين حولي ومن الأهل والاصدقاء؟؟؟

وبعض الاقارب الذين يخالفون هذا الطريق والمنهج ويحطموني بعباراتهم!!!!

لكن وجودكم وتفعالكم يزيدني حماس وتحدى من حولى
مهما زادو بقساوة كلامهم....


((((قلوب متكسررررررره))))

من منا قلبه لم ينكسر من منا قلبه لم يتحطم من منا لم ينجرح

بكلمه قاااااااااسيه تحرق قلوبهم وابصارهم وبصيرتهم

البعض يتكسر قلبه يوميآ والبعض الاخر يتظاهر بالسعاده

ويخفي عيناه الحزينه بابتسامه واسعه وضحكه دائمه الكل

يحسده ويتمنا ان يصبح مثله لكنهم لايعلمون انه اشد حزنا منهم

كل منا يشعر بداخله حزن مكبوووت...

لكنا لانعلم ماهو السبب؟؟؟؟

هل هو بعدنا عن ارضاء الخالق سبحانه وتعالى!!

ام قساوة من حولنا ؟؟

عبارتهم القاسيه التي تقطع قلوبنا بزلات السنتهم

نبتسم ونخفي تفاجئنا وتفاجعنا نعم انها الفاجعه المصيبه

إذا كان اقرب من حولك يعاملك بجفااااااااف

وكأن الكلمه الحلوه بفلووووووس

آآآآآآآآآآه اتمنى فهمتو مأقصد هاذه مقدمه ((قلوووب متكسره))







الجزء الاول//

وفاء تبكي من قلب وهي جالسه على الارض بساحة الحديقه

احمد بحزن وخوف:وش فيك وفاء لاتصيحين ترا اصيح

وفاء ودموعها بعينها:ماما وبابا يقولون تغطي عن احمد يعني بتغطى عنك

احمد عبست ملامحه:بس انا وانتي صغار ماوصلنا 15

سامي يضحك:عادي تغطي قدامهم واكشفي إذا راحو هههههه

احمد ابتسم على هالفكره الخطيره وقلبه مطعون على حال وفاء:والله حلوو بس الله يخليك لاتصيحين

وفاء تمسح دموعها وتبي تقنعه بكلامها:بس انا مابي اتغطى عنك انت ولد خالتي عادي صح؟

ريم بابتسامة خبث:خلاص عادي إذا كبرتو تزوجو هههههههه

احمد انحرج رغم صغر سنه ووفاء ووجهها يضوي الوان من الحرج ودموعها غارقه بعينها

سامي مستانس:فكررررررره حلوووووووه

وفاء تقوم وزعلت من كلامهم:خلاص بتغطى عنك ياويلي من بابا لو بيشوفني

ريم:حتى انا بروح

احمد كأنه بيفقد شئ:لاااا لاتروحين ياوفاااااء

وفاء تناظر نظره مودعه لصديق عمرهاا احمد واغلى انسان بحياتها

واحمد داخله خناجر لان اعز بنت بحياته راح تفارقه



(((مشت الايام والسنيييين/////

وفي زمن قاسي ممل محرق احكي معاناتي نعم انها معاناتي!!! انا في زمن يردد ويكرر كلمة هاذا رجال ومايعيبه شئ وانتي
بنت نعم بنت لييييييييييييييه لييييييييييييييييه ؟؟؟؟؟؟؟اصرخ باعلى صوتي ليه الغلط من البنت والرجال لأ أهااا ليه يقولون لنا بنت إلى الوحده
تتزوج لكن الولد يقولون انه رجال من عمر 13 ليييييييييييه نخليهم ونضحك لهم ونقول ان الغلط مو منك واذا غلط نقول عادي
انت رجال لايهمك شئ آآآآآآآآآآه
وفي زمن انا محرومه من حضن الام الدافئ واحساس الاخت وطيبة الاب وتفاهم الاخ
آآآآآآآآآآآآآه في زمن قساوة الاب وفي زمن التفريق بين الاخوه في زمن الخيانه والتلذذ بعذاب الصغير والحقد على الكبير!!!

هاذي مايدور براس وفاء البنت الجميله بجمال هادئ عمرها19 سنه
وتشعر دااااااااااائما بالحرمااااااان طبعها هادئة احيانا
تتميز بروح النكته لكن قلبها دوما يحترق من سوء معاملة من حولها وخااااااصتآ ريم وامها وابوها تحترم اختها رغم طول لسانها وقساوتها معها لكن احيانا تنفجر وتعبر عما يجول بخاطرها واهم شئ ماتسكت عن حقها ...وصفاتها الباقيه نتعرف عليها مع الاحداث لانها هي تقريبا بطلة القصه

في غرفة نوم البنات تتقلب ريم(22 سنه) يمين ويسار وتمدد يديها وتتثأب تاخذ المخده الصغيره وتضمها الى صدرها بعنف وغيظ وتفكر بكل شئ يقهرها وتغطي وجهها فيه وتمتم بملل:اوف الى متى؟؟؟؟؟

وفاء برقه وبصوت حاني كالعاده:سلامات شفيك طفشانه صح؟؟

ريم بصوت عالي يهز ارجاء الحي:وانتي وش دخلك بجد حماره

وفاء وبداخلها مجروحه أسأل عن حالها ترد بعصبيه ومو هذا طبعها إلا معي!!! بصوت خفيف:حماره!!ليه؟؟

ريم:إيه حماره ويكرم الحمار عنك بعد

وفاء سكتت وغطت روحها بالبطانيه وبعد دقايق:ريماني

ريم بزعل:وش تبين واسمي ريم مو ريماني

وفاء تبي تلطف الجو وترفع الغطاء عن راسها وتبين عيونها وبتدريج الى تفتح الغطاء عنها بأبتسامه باهته:ادلعك مو اختي ولامايصير

ريم:لااااامايصير وش تبين اخلصي تراي مو فاضية لك

وفاء حست نفسها غير مرغوبه والعبره خانقتها:ليه تكرهيني

ريم بصوت متعجرف وعالي:اكرهك كذا مزاااااااااج

وفاء نزلت دمعتها وقامت من سريرها تركض برا الغرفه
ليه دايما كذا تسوي لي ليه تكرهني انا وش سويت لها طول عمري اعاملها باحترام ولا ابين اني متضايقه منها ليه ماعاملها مثل ماتعاملني تنزل دموعها بكثافه وكأن احد ذابحها

وتفتح باب غرفة اخوها بقوه للدرجة ان صوت الباب هز ارجاء البيت

اخوها إلي مافيه أي اخ بالدنيا حنون مثله تؤامها وفاهمها

ويمكن لان حالتهم وحده الكل مايحس بوجودهم بس هو اخف من حالها على الاقل يطلع يشم هواء إذا زعله احد او إذا أبوه رفض له طلب او....

وفاء فتحت غرفة اخوها وهي تبكي وكأنها تتوسل له

سامي وهو بسريره وبيده كتاب يقرأ:ريم صح؟؟

وفاء تهز راسها بأيجاب

سامي اخذها ويهديها

وفاء تزيد بالبكاء اخوها ضمها يهديها

سامي:وش فيك حياتي خلاص اهدي مو هذا طبعها ماعليك منها

وفاء وهي تصيح من قلب:لااااامو طبعها انا اشوفها بالجامعه مع صديقاتها تسولف وتضحك واذا شافتني(تسكت وتبكي بقوه

سامي:ماعليك منها هاذي مجنونه والا مافيه أخت تعامل اختها كذا وبذات إذا طلعت مثل الوفاء كله والحلا بعد يالغاليه

وفاء هدئت شوي بعباراته إلي رجعت لها بقايا كرامتها

سامي قام واخذ علبة المويا إلي عنده وعطاها اياه

وفاء وهي تمسح دموعها:تسلم لي

سامي بابتسامه تبعث الطمأنينه:عااااد الدموع ذي مابيها سمعتي

وفاء بتردد:والله مو بيدي

سامي وهو يبتسم:عاد مفروض يصير عندك مناعه من كثر الهواش إلي يجيلك منها

وفاء تهز كتفها:بالعكس ماصار عندي مناعه صرت حساسه بزياده ومو واثقه بحالي بعد

سامي عصب:انتي وش قاعده تقولين إلا واثقه ونص ريم هي
الي مو واثقه بحالها الخبله وحماره بعد

وفاء وهي مقهوره:ويكرم الحمار عنها بعد

سامي انفجر بالضحك:ههههههههههههههههههههههههه من وين جبتي ذا الكلام ههههههههههه

وفاء ابتسمت:منها هذا كلامها لي صارت تعطيني دروس
ببلاش

سامي:اقولك ابعدي عنها بس ولاتهتمين لكلامها وبعدين هذا طبعها موب غريب عليها

وفاء:بس ماقدر احس اني انهرت بموت من طبعها ذا البايخ.....

سامي:الله يعينك بس ويعيني حتى انا عليكم من بنات شكلكم بتعقدوني وتكرهوني بالبنات كلهم والسبب انتم

وفاء ابتسمت وفاء ببرود:افاااااااااا كل البنات ذا خابره البنات يتعقدون ويكرهون الرجال موب الرجال إلي يكرهون البنات

سامي ابتسم:يعني لاااااااازم احرجات

وفاء هزت كتفها وابتسمت:والله مادري عنك علينااااااا

سامي:إيه ماعليك منهم بس وطنشيها إلا ماقلتي لي بكره بتروحين للجامعه

وفاء تهز راسها بحزن:إيه

سامي ضرب راسه:اوووووووه نسيت اسألك عن أول يوم بالجامعه وش صار عليك سوري سوري سوري

وفاء:اليوم

سامي:إيه وش صار تعرفتي على بنات(غمز لها

وفاء نزلت راسها بحزن

سامي:لاوصيك عاااااد لاتنسيني ابيك تنقين لي ذيك الطرقاء

وفاء بغباء:وش طرقاااء؟؟؟

سامي:الله يخلف على بس أطرق ماتعرفين معناه

وفاء تحرك راسها بالنفي

سامي:يعني قمر يعني حلوه يعني جنان هذا وانتي ساكنه بالرياض ماتدرين شمعناها

وفاء ابتسمت:انا مادري من وين تجيب ذي المصطلحات

سامي:ماقلتي لي وش صار عليك اعتررررررررفي

وفاء تبي تضيع السالفه:اقولك تأخر الوقت بنام!!!!!

سامي حس بملامحها شئ غررريب:والله ماتروحين إلا تقولين لي وش صار؟؟؟؟

وفاء:ابد ماصار شئ بس مثل مانت عارف ماعرف إلا العنود وماحضرت ومالي الا ريم هي الوحيده إلي اعرفها ومحتاجه لها وجحدتني وتناظر لي باستحقار

سامي انقهر:ذي شكلي بصفقهاااا ماكنك اختها مجنووووووونه


وفاء تبي تفضفض:تصدق جالسه بروحي وماكان معي احد وحتى نسيت لاخذ شنطتي ومت عطش وطلبت منها فلوس قالت ماعندي بجد اليوم اصعب يوم بحياتي

سامي:يجي لها يوم


وفاء:كل البنات يتمنون لهن خوات الاهي تتمنى اموت اليوم قبل بكره

سامي مقهور:ان شاء الله يومها قبل يومك

وفاء ضحكت من قلب على تفاعل اخوها:ههههههههههههههههههههههههههههههههههههههههه

سامي ضحك يجاريها وهو قلبه محترق على اخته:هههههههه

وفاء:الله لايحرمني منك انا مادري كيف بتصير حياتي لو انك مو تؤامي

سامي:بصير اخوك هههههههههه

وفاءابتسمت ابتسامه باهته:لو انك اخوي كان سويت مثل ريم بس لانا تؤام نحس ببعض

سامي:افا علييييك بس

وفاء:خلاص تصبح على خيررررر يالغالي

سامي ابتسم:وانتي من اهله يالغلا

صباااااح يووووووم جديد ملئ بالمفاااجئات

وفاء نايمه ماقامت

ريم بصراااااخ:يماااااااااااه شوفي العله ماقامت بتأخرني

ام ريم عصبت وطلعت فوق لغرفة البناات وشرارة الغضب بعيونها وعروقها منشده من الحمقيه تفتح الباب بقووه للدرجه ان صوته هز ارجاء البيت بصراااخ:قوومي قام ابليس فوق راسك

وفاء قامت مفزوعه من فتحتة الباب وتشوف كل شئ احمر وتحس بدوخه تمسك راسها:طيب يمااااه اللحين بنزل

ام ريم بصرااااخ:ماافيه قومي قداااامي

وفاء قامت وهي تدعك شعرها تحس دمها جامد من الهبله


ام ريم كأنها تذكرت شئ وطلعت من الغرفه بسررررررعه
كأنها مقروووصه وتروح لغرفة سامي وتفتح الباب بنفس طريقتها لوفاء

سامي قام مفزووع:لااااااااااحووول

ام ريم:قوووووم وصمممممممخ روح وصل خواتك للجامعتهم

سامي جلس وبملل:ومن متى ان شاء الله

ام ريم:تطنز انت ووجهك قوووووم وجع

سامي:اعوذبالله

ام ريم:من وجهك قووووووم يالحيوان

سامي نزل رأسه:يالله صباح خير

ام ريم تاخذ كاس المويا وتكبه بوجهه

سامي قام مفزوع:انتي شفيك

ام ريم: وتراددني بعد الله ياخذ عمرك قول امين!!!

سامي:اميييييييييييييييييييييييييين ((قام وهو معصب وراح للدورة المياه..


بعد ربع ساعه نزلو يفطرون


نزل الاب وهو معبس وجهه وكأن هموم واثقال الدنيا فوق رأسه نزل ساكت ولانبس ولابكلمه الابنظرات حاده لكل واحد فيهم

ريم بدلع:صباحو بًابًا

ام سامي:هلا هلا

وفاء وسامي بابتسامه:صباح الخير يبه

ام سامي ببرود:هلا

ام ريم بغطرسه:وعليكم السلاااااااااام

ابو سامي ناظرها باستحقار:بتفشليني يقالك صبي لي حليب وانتي ساكته

الكل سكت

ام ريم عصبت:سامي ووجع خذ خواتك للجامعه تأخرت عليهم

سامي قام بعصبيه: اللحين وش فيك معصبه على

ام ريم بصوت عالي:لاتراددني

ابو سامي:الظاهر سمعت إلي قالته امك

ام ريم بتنتقم:وش قلت وش قلت يأبو سامي

ابوسامي حس بخوف:اووووووف اسكتي بس

ام ريم بنظرات تهديد

ابوسامي عصب:والله لو تتكلمين كلمه لاذبحك سمعتي

ام ريم قامت بعصبيه واخذت الصحن إلي على الطاوله وضربته بالارض وطلعت عن الصاله لغرفتها

ابو سامي انقهر وقام ووفاء حطت يدها على اذانها ماتبي تسمع

سامي خاف ان أبوه يضرب امه ومسك أبوه الثائر:خلك يبه عنها تعرفهم حريم ناقصات عقل

وفاء عصبت بس سكتت خافت تسوي مصيبه

سامي:كل الحريم يتنرفزون بس يرجعون مثل قبل طنشها بس

وفاء عصبت من كلام سامي لامه:هاي انت تراها امك حرام تقول ذا الكلام عنها

سامي يبي يسكتها علشان ماتزيد الطين بله:انتي انكتمي

ريم تبتسم وتبي تلطف الجو بطريقتها الغربيه والغبيه:انكتمي يعني انطمي وانطمي يعني اسكتي ههههههههه

ابو سامي واعصابه واصله حدها:انتي اسكت يابنت امك

ريم وقفت منهبله:هاه بنت امي

ابوسامي طلع وهو معصب

ريم واقفه جامده وهي تفكر كيف بنت امي شلون يعني؟؟؟؟؟

سامي قطع حبل افكارها:يالله بنات بسرعه ترانا تأخرنا

وفاء طلعت وريم طلعت وبراسه الف سؤال بس مالقت جواب إلا جواب واحد بس إلى هو ان ابوها معصب ومايدري وش يقول!!!

ام ريم وهي معصبه وتفكر..والله لافضحك ياسالم وشوف يأنا يأنت؟؟؟((سالم ابو سامي))



في الجامعه بالكفتيريا//

العنود صديقة وفاء الروح بالروح:تحبينه

وفاء بنظرات حزينه بعيده:امووووت فيه

العنود:طيب سمعت انه مايدخل مزاجك

وفاء:الا اكرهه مو مايدخل مزاجي وبس

العنود !!!!:انا غبيه ممكن تفهميني تموتين فيه بس تكرهينه

وفاء تنزل راسها وتاخذ المويا وتشرب

العنود؟؟

وفاء:ممكن كلينكس

العنود تمده لها

وفاء نبي تضيع السالفه:إلا ماقلتي لي اخبار اهلك

العنود عصبت:وفااااء لااتتهربين ....



تتوقعون وش الى ام ريم تهدد فيه سالم؟؟؟


ليه سالم(ابو سامي)قال لريم بنت امك تتوقعون عصبيه ولا شئ ثاني؟؟

وفاء تحب وتكره شخص واحد كيف وتتوقعون مين؟؟

ريم ليه تعامل وفاء بذي المعاامله؟؟

شخصياااات كثيره ماظهرت بالروايه

محبتكم الى الابد امونه53





الجزء الثاني//

العنود عصبت:وفااااء لااتتهربين ....

وفاء بنظرات آسى:العنود آآآآآآآآآه مليت مليت احس بجنون بعذاب

العنود حزنت لحال صديقتها:قولي لي فضفضي شفيك؟؟

وفاء بضيق :الحب وماادراك مالحب عذاب موت جحيم!!

العنود وهي تناظر لوفاء كأنها محققه:اقولك شئ وماتزعلين؟؟

وفاء بحماس:قولي؟

العنود بطريقه مضحكه:تدرين انتي ليش متيمه بأحمد

وفاء باستهبال:ليه ياسيدة العارفين

العنود:لان فيك فراغ عاطفي

وفاء تحرك راسها بسرعه:افااااا وشو ذا بعد

العنود تنفجر بالضحك:هههههههههههههههههههههههههه والله انك تحفه يالوفاء


تغطي عيون وفاء:انااااا مييييين؟؟؟

العنود تبتسم:اقوولها..

وفاء وهي تمسك اليد المغطيه عيونها:مين مين ؟؟

....:ماعرفتيني الا يالخاينه يالدبه يا

وفاء ضحكت وبعدت يدها وتقوم:هههههههههههههههههه
خلاص ستوب عرفتك عرفتك وهل يخفى القمر

ايمان تعدل ياقتها:احم مين القمر ذا ماعرفه(يسلمون على بعض

وفاء:اخبارك يالمغروره

ايمان:من حقي اغتر اناا ايمان مو أي وحده

العنود تبي تحرج وفاء:اخبار امك واحممممممممممد وابوك

ايمان:احمممممممد اعصابك ياختي للدرجه ميته عليه وبعدين وش عرفك فيه؟؟؟؟

وفاء صارت حمراء من الخجل ومن نظرات العنود وايمان لها وكان ودها تذبحها العنود من الفشيله


((ايمان هي اخت احمد عمرها 19من ناحية الجمال ماعليها زود وشعرها قصير عيونها عسليه غامقه عندها روح النكته
وماتحلى الجلسات الا معها ولها نصيب كبير من القصه لانها هي.. البطله))


العنود:احبه عندك مشكله!!

ايمان تتظاهر بالبكاء بصوت عالي:اهئ بهئ اهئئئئئئ

العنود تشوف ايمان:لاتصدقين من زينه ماحبه ولاعرفه

ايمان بملل:انا ليش مو بنت؟؟

وفاء:هههههههههههههههههههههههههههههههه مجنوووونه

العنود:يماااااااااااه مسترررجله

ايمان وكأنها بتتكلم بموضوع خطير:بنات انا عمري 20 سنه

العنود:هههههههههههههههه طيب وين المشكله ادور لك على عريس

ايمان وهي ماده بوزها:انا ماعندي مشاعر ماعندي احاسيس

العنود:اووووووف بدينا بالالغاز

ايمان بحماس:لا انا الي الان ماحبيت كل البنات يحبون الا انا ليييييييه؟؟

وفاء تتنهد من قلب:آآآآآآآآآآآه ياحضك

ايمان تغمز لها:هههههههههههههههه ياعاااااشقه بس مين تحبين

وفاء قامت مفزوعه وكلها خجل:يوووووه بدأت المحاضره يالله باي

ايمان:مممممم اذا تبين يالعنود تنحشين وفاء اسأليها مين تحب..

العنود:هههههههههههههههههههههههههههه يالله اوصلك عند صديقاتك وبروح للمحاضره


ايمان باستهبال:لا اجلسي بنسولف

العنود:فاضية لك وراي محضره

ايمان باستعباط:اجل والله ماروح

العنود:هههههههههههههههههه اجل طقاق باااااي

ايمان:وجع العنود انتظريني



ابوسامي يكلم زوجته: الوهلا ام الريم

ام ريم تتكلم من غير نفس:هلا هلا

ابوسامي:وش فيك الله يهديك تكلميني من غير نفس!!!

ام ريم:اسأل نفسك تعاملني هالمعامله قدام العيال

ابوسامي:انتي الي قاعده تهددين..

ام ريم:ايه ماعلينا المهم بنطلع لروضة خريم بكره الخميس انا واختي والعايله بصراحه ملينا من الرياض وزحمتها

ابوسامي:من عيني ذي قبل ذي خلاص بكره بس جهزو لها يالله مع السلامه مشغول اللحين..

ام ريم:مع السلامه.

ابوسامي يكلم روحه: مالت عليك انا مادري القراده ليه تلاحقني بكل مكان ياحلالاه على من طلقها وافتك منها


ايمان ترجع للبيت وترمي العباه وتصارخ بقوه:يماااه مليت مليت مليت

ام احمد:لاحول طيب سلمي وقولي وش مليتي منه

ايمان:سلام انا مليت من الجامعه ومليت من البيت ومليت من روحي ومليت من

ام احمد وهي تمسك راسها من ازعاج بنتها:خلاص خلاص خلاص يالثرثااااااره اسكتي وجع
انا الي مليت منك انتي ولسانك الطويل الي يبي له قص


ايمان بابتسامه:والله يماه انا لساني طويل ياحظيييييييييييي
تدرين يايمه ذي صفه مميزه ومو كل بنت تطلع ثرثاره و.


ام احمد تقاطعها:اصصصصصصصصصصص راسي منك يالمزعجه انا بغرف الغداء وانزلي تحت تغدي

ايمان وهي طالعه فوق وبكتفها العباه والشنطه بيدها الثانيه مخليتها على ورا ظهرها:يماه بليزززز لاحد يزعجني ابي انام تصبحين على ايمان

ام احمد:والكوووبه في الصباح اذا بصبح على خشتك

ايمان تضحك على تفاعل امها:ههههههههههههههههههههههه

ترمي روحها بسرير وهي مهدووده وماخلت احد مافكرت فيه
عمها خالها عيالهم بناتهم حتى الجيران هي اجتماعيه درجه اولى وتحب الناس ومافيه احد يكرهها الكل يحبها...


ترررن تررررن

.....:الووو

ام احمد:ياهلا وغلا بأم الريم

ام الريم:يامرحبتين اخبارك شلونك

ام احمد:الحمدلله وانتي شخبارك لي يومين عنك اشتقت لك

ام الريم:تشتاق لك العافيه والله انا كلمت ابي تتجهزون بكره نبي نطلع طلعه محترررمه لروضة خريم

ام احمد:بكره؟؟ ليه ماقلتو لنا من بدري حتى نتجهز

ام الريم:ماتفقنا الا قبل شوي ماعليكم الا تجون وبس والباقي علينا

ام احمد:خلاص بكره من الفجر وانا وعيالي جاهزين

ام الريم:خلاص اتفقنا يالله مع السلامه جو العيال وابوهم بغرف الغداء مع السلامه

ام احمد:خلاص بس خلي الرجال يتفقون يالله مع السلامه


تقوم من النوم مفزوووعه وتدعك عيوووونها تشغل الابجوره وفجاءه تطيح على الارض الرخاميه وتتكسر
وقلبها يخفق بسرررعه وتناظر الساعه مانامت الا نص ساعه
وتنفجررر من الضحك

ام احمد تفتح الباب بقوه:وش فيك ايمان؟؟

ايمان تضحك:لا بس حلمت حلم مضحك....

ام احمد:وش كسر الابجوره؟؟

ايمان وهي راسمه الابتسامه وتهز كتفها:مادري يمكن من حلمي انفزعت

ام احمد عصبت:هاي انتي عن الاستعباط مره حلم مضحك مره مرعب!!!

ايمان:يماه بسألك سؤال؟؟

ام احمد بتشويق:اسألي

ايمان ابتسمت:يماه تعرفين واحد اسمه السلطان؟؟؟

ام احمد ضحكت على سؤال بنتها:لاماعرف الا الامير سلطان الخير...

ايمان بحماس:لايمه احد يصير لنا اسمه السلطان

ام احمد:لاااا ليه؟؟

ايمان:لا حلمت في واحد اسمه السلطان

ام احمد تناظر بنتها بخبث:تدرين شلون بعلم ابوك واحمد.....

ايمان وهي تضحك:لو تقووولين لهم كان والله مايخلوني انام علشان ماتحلم ههههههههههههههههههه



سامي يطق الباب على غرفة البناات:ممكن ادخل

ريم:خلاص دخلت يعني لازم تسوي نفسك مؤدب

سامي عبس وجه وهو يناظر لريم:اصلن ماكلمتك ولاشاورتك اكلم وفاء انتي مالك شغل

ريم تنرفزت:وانا مو اختك يا

سامي قاطعها:لاتغلطين لاعاملك معامله ثانيه يالعوبا

وفاء:هدو اعصابكم شفيكم اللحين

ريم بعصبيه:انتي اسكتي مالك شغل...

سامي:انتي الي تسكتين مو تسكتًين انتي ووجهك يالمغروره

تطلع ريم متنرفزه

وفاء:ماعليك منها اجلس بس!!

سامي ابتسم:اخبارك اليوم هاه شسويتي

وفاء:ممممم جت العنود وجلست معها واستانست وتوقع مين شفت؟؟

سامي وهو يناظر فوق يفكر:ممممم اعرفها؟؟

وفاء وهي تبتسم:ايييه تعرفها توقع مين؟

سامي يفكر ومالقى احد في بااله:مادري مين

وفاء وهي تبتسم بخبث:وحده انت تموت فيهااا

سامي حس بحرج:ايمان صح!

وفاء وهي تغمز له:ليه في ثانيه تحبها غيرها

سامي:لاوالله بس شكلها مستحيل تفكر فيني

وفاء:ماعليك بكره اعترف لها

سامي:كييييييييف؟؟ وين حنا عايشين

وفاء:عادي قول شعر بصوت عالي لها وقل اهداء مني لها
هي ترا تحب الشعر وتحب هالحركات التعجيزيه

سامي بتردد:كيف اقول انه مني لها

وفاء:ممممممم قول بصوت عالي لاحد يهمك

سامي:انتي متأثره بالهنود إستحي شوي

وفاء:والله البنات يحبون هالحركات ماعليك سوها

سامي وكأنه اقتنع:تهقين!!

وفاء:الا اهقى ونص

ريم:اوووف يماه مليت شوفي سامي ومعاملته لي

ام ريم معصبه:طيب اسكتي لك ساعه تحنين على اذا نزل كلمته

ريم:يماه ماكأني اخته الي اكبر منه تصدقين جاء بيضربني

ام ريم تنرفزت:اوووووف قلتيها الف مره خلاص اطلعي غرفتك


ريم تسوي حالها تكسر الخاطر:هو بغرفتي لو اروح بيضرني

ام ريم:يخسىىى يلمسك ليش مالك ام تدافع عنك


سامي دخل عندهم:سلااااام

ام ريم بعصبيه:الله لايسلم هالوجه انت وش فيك على الريم خير شايف نفسك عنتره عليها

سامي تضايق:لاحوول وش مسوي لها اسأليها هي شسوت

وفاء دخلت عندهم وباندافاع:يماه هي الي تكلمت على سامي وهو

ريم بتصارخ وامها سبقتها:لاتكملين مين طلب رايك انتي اخر وحده تتكلمين

وفاء حز بخاطرها حست بطعنه من اسلوب امها لكن مافيه احد حس فيها الا سامي

سامي:يماه ترا مثل ماريم بنتك وفاء بعد

ام ريم:تخسىىىى مو بنتي..

ابو سامي دخل وشرارة الغضب بعيونه:اجل بنت مين؟؟

ام ريم ناظرت فوق وتحت:معصبه ولامايصير نغلط

ابوسامي:كل شئ له حدود

سامي ووفاء وريم مو مستوعبين الكلام معقوله لحظة غضب
وخاصةً الي راحت فيها من التفكير ريم لان ابوها قال لها يابنت امك وامها تقول لوفاء انتي مو بنتي ياترا وش السر؟؟
الايام وش مخبيه لنا؟؟
كل واحد يهدد الثاني كأنه في حرب مو ازواج؟؟
ليه الى متى ذي المشاكل والي متى كل واحد يتكلم بغموض؟؟


احمد قاعد يكتب وهي غااارق في بحر الغرام ويسمع اغنيه لمحمد عبده احبه حيييييل

احمد ياترى هي بتصير لي هي نستني نست احلى ايامنا ايام الطفوله قلبي يحترق اذا جابو طاريها اشتاق لها بجنون
كيف اعرف انها تحبني او لأ اكيد بكره بقابلها بس كيف اوف انا ليه طالع روميو زماني مسوي نفسي عاشق اقول خلني اقوم احسن من التفكيربشئ ماله داعي

ايمان تفتح الباب برجلها بقوه:هلوووووووه

احمد ضحك على حركتها وعصب بنفس الوقت:وش ذي الحركات وين الانوثه

ايمان تتكلم مثل العجايز:آآآآآآآآآخ اختفت مع مرور الزمن

احمد:ههههههههههههههههههههه الله يعين الي بياخذك

ايمان بطفاقه:مين الي بياخذني؟؟

احمد وهو ميت ضحك على حركاتها:هذا واحد مقرود امه داعي عليه وهذا اذا جالك بعد

ايمان وهي تلمس شعرها القصير الاشقر:الا قول ياحظه انا ايمان مو أي وحده...

احمد:ياشين الثقه الزايده بس!!

ايمان وهي تغمز له:مممممم بكره بتقابل وفاء مين قدك

احمد حمر وجه ذي وش عرفها الجنيه كيف عرفت اني احب

ايمان:وحتى هي مين قدها يااااحظ من جمع ووفق مادري يابخت

احمد:كيف عرفتي اني احبها؟؟؟

ايمان تغني:كيف نخفي حبنا والشووووق فاضح وفي ملامحنا من اللهفه ملااااامح عاااااشقين ونبضنا طفل حنون لو تزاعلنا يسااامح ...

احمد:اصصصصص ياشين صوتك كيف عرفتي بالله عليك كيف؟؟

ايمان:مممممم باين كل شئ باين مايبي لها ذكاء

احمد وهي منحرج بس الفضول بيذبحه:وهي تحبني؟؟

ايمان بنظرات خبث:وكم لي اذا قلت لك!!!

احمد:اعطيك روحي بس قولي؟؟

ايمان:لا روحك خلها لك ولها ابي فلوس

احمد:الا يالطماعه الي تبين اعطيك بس قولي

ايمان:تمووووووت على ترابك

احمد:وش عرفك؟؟

ايمان وهي تحرك يديها بطرق اقناع وحماس وتفاعل:مثل ماعرفت الي بقلبك عرفت الي بقلبها وسمعته باذني

احمد يتظاهر بالخوف وقلبه متطمن:يماه سااااحره عراااافه

ايمان:اجل عن اذنك بروح انام مابقى على الطلعه شئ تراها الفجر تصبح على خشتي

احمد:ههههههههههههه وانتي من تراب

ايمان تطلع وبصوت عالي:انت التراب

احمد صكر الباب:انا كنت حاس انها تحبني لكني اللحين تأكدت شكرآ ياارب انك رزقتني بأخت ملقوفه اسمها ايمان هههههههه


العنود تكلم وفاء

العنود:والله عمتي تحزن

وفاء:ليه؟؟ وش فيها

العنود:زوجها تخلى عنها واخذ عيالها وصارت مجنونه

وفاء:ياحرام انتي عوضيها..

العنود:كيف بعوضها خلاص انجنت مافيه امل

وفاء:طيب ليه ماتطالبون زوجها من المحكمه يرجع عيالها

العنود تفكر:مممم والله مادري اصلن مادري عن عيالها شئ ياليتني اعرف لها بنت او لأ اتمنى لي بنت عمه

وفاء:ههههههههه عندك اخوك مو مالي عينك

العنود:تكفين اسكتي بالله عليك ذا اخ ذا مجرم ذا سفاح
مايحس كله عنف

وفاء ملت من كلامه:العنود اصصصصص باي بروح انام الساعه 2 باقي 3ساعات ونطلع للروضه

العنود:ياحضكم!

وفاء:وجع عن الحسد يالله باي

العنود:افاااااااا

وفاء:سامحيني عنوده (تغلق الخط بوجهها وتطفي جوالها


ممممممممم

الى الان تقريبا الروايه غامضه

بس تتوقعون مين السلطان الي طلع بحلم ايمان هل هو حقيقه او شئ غير ملموس او شئ ثاني له تفسير؟؟؟؟

وش الاحداث الي بتصير في الروضه مع الكل؟؟

وش السر الخطير الي بين ابوريم وامها؟؟

ايمان تتوقعون تقع في غرام سامي ولاكالعاده المشاعر خاليه من عندها؟؟

مصدر الموضوع الاصلي: (((قلوووب متكسررره))) روايه سعوديه كامله

الجزء الثالث//

الكل تجهز للطلعه ومستانس الا وفاء مانامت من شوقها

العظيم المرعب ومن خوفها خايفه يصير حبها من طرف

واحد ونفس الاحساس والشعور عند احمد احمد جهز لها

مفاجئه ومتردد فيها مايدري هو صح الي يسويه او!!!

سااااامي ومادراك ماسامي الشاب النكتي الي يحب

يرسم الابتسامه على شفاة الكل وامنيته في الحياه سعادة

اخته وانه يتزوج حبيته الي ماحب لاقبلها ومستحيل يحب

بعدها سامي المسكين مانام يبي يعترف يبي يقول يخفف

عن الي بقلبه يخفف النيران الملتهبه بجوفه يبي يصارخ

ينطق يقول اناا احبها ومووووت بعد لكن ايمان الي ماتدري

ان فيه واحد متيم عاشق لها يفكر فيها ليل نهار ايمان الي تنكر

وجود كائن معذب اسمه الحب كائن نسمع عنه ولانراه


ريم تتوقعون تحب ولامتبلدة المشاعر مثل ايمان واذا تحب

مين يكون؟؟



في مكان مخضر ملئ بالاشجار المثمره والطبيعيه الساحره
وسط تشكيله من الغيوم المذهله والنسيم العليل والاجواء الممتعه والجو شتوي روووووووعه طبعا في روضة خريم


في السياره

ايمان بصرخه وهي مستانسه:يااااااهوه وصلنا

ياحضى ياسعدي يافرحتي ياهناي

ابو احمد:اعصابك اعصابك وش فيك كذا طايره بالعجه

ايمان:افااااا يابابا وش سويت انا مستااااااااااانسه ياناس احبه

ام احمد: تحبين مين؟؟

ايمان:احب الدنيا احب الناس احب العالم احب الكل الكل

يالله انا طاااااااايره فرررررح من زمان ماجينا هنا

ابواحمد:خلاص جينا اسكتي

ايمان تحرك راسها يمين ويسار:يباااااااه شفيك كأنك مو فرحان اني مستانسه

احمد مل من كثر التفكير بوفاء وهل وهل والتساؤلات الي قتلته بعصبيه:انطمي ايماااان مزعجه ثرثاره

ايمان مدت بوزها شبرين وبأسلوب تهديد:طيب طيب

احمد كح من غير شعور وتنحنح:ايمان وش ناويه عليه

ايمان بنفس اسلوبها ماتغير:ناويه انطم مو ذي اوامرك

احمد ابتسم على حركات اخته الساحره الي بتخلي الواحد
يفرض احترامه عليها لو بأسلوب التهديد:امززززززززح معك يالله سولفي غردي يأحلى ايمان

ايمان مو مستوعبه:مين ذا لايكون انا؟؟

ابو احمد:وصلنا يالله انزلو وعن الهذره الزايده

ايمان تصارخ بعد ماشافت خالتها ام ريم:هلاااااااااااااا ومسهلا بأحلى خاله بالرياض لا وبالدنيا كلها

ام ريم:يامرحبتين فيك يالغلا كله اخبارك

ايمان تركض بسرعه لوفاء وسامي يكلم اخته

ايمان ماحد همها تمسك وفاء بقوه:ازنطك ولا ازنطك يابنت اللذين ولاتجين تسلمين

سامي ابتسم على جنون البنت الي ماتخليه وجرائتها

وفاء:ياهلاا فيك اشتقتلك

ايمان باستهبال:ايه هييييين!! سامي هنا اخبارك صديقي سامي وين ايامنا

سامي تجرأ من كلامها واسلوبها:والله مشتاق لذيك الايام بس ان شاء الله نعيدها

ايمان:هههههههههههه طيب اخبارك وش مسوي

سامي متردد اقولها ماقول اقولها ماقول:لازين الحمدلله

ايمان:ايه الحمدلله تعاااالي يالوفاء مشتاقه لقعدتنا والروضه والهيصه

وفاء تضرب سامي وبهمس:قولها

سامي انحرج:عن اذنكم

ايمان رغم انها ذكيه بس مافهمت شئ مجرد تعتبره اخ غيره ماتفكر لان طفولتها كلها معه


احمد:صباح الخير خالتي

ام ريم تقوم:هلاا صباح النور اخبارك

احمد:الحمدلله اخبارك الريم

ريم:الحمدلله انت شلونك

احمد وهو يتلفت يدور وفاء:ايه الحمدلله بخير عن اذنكم

ام ريم وام احمد:اجلس معنا جلستنا وحده وناد ابوك وابو سامي


احمد مبسوط بداخله لان جلستهم وحده:ان شاء الله



وفاء تبي تريح اخوها تبي تنهي المسأله وتفرحه:وش رايك يايمان باخوي سامي؟؟

ايمان بتلاقائيتها المعتاده:يجنن روووووووعه مافيه مثله
يالله تذكرين الايام الماضيه وناسه ضرب هوشات ضحك
دلع

وفاء:واللحين....

ايمان:اللحين تغطينا ههههههههههههه علييييييك سوأل


وفاء:بالعربي الفصيح اخوي يحبك وانتي شرايك

ايمان بتلاقيئه:وانا امووووووت فيه بس مثل احمد

وفاء:اووووف أي اخو واي خرابيط لاغير ذا الكلام؟؟

ايمان بجديه:غيره مافيه..

وفاء حز بخاطرها على اخوها الغالي الي ذايب بحبها


ايمان:مممممممممم اقولك بنسوي استراحه بناتيه مافيه الا انا وانتي
وريم وصديقاتنا وش رايك؟

وفاء تجاريها:والله فكره بس مادري اهلي يوافقون او لأ

ايمان باستهبال:حبيب قلبك وصل ماتبين تسلمين عليه!!

وفاء انرعبت:مييييييييين؟؟

ايمان:مين غير احمد على بالك مادري

وفاء بحزم وعدم تردد وبدون خوف:مين قالك اني احبه او حتى افكر فيه

ايمان انهبلت ارتاعت معقول ظنها خاب معقول؟؟؟

ايمان:من جدك؟؟

وفاء وهي تتهرب بس تبي تنتقم لاخوها يمكن تحس البنت:ايه ولاحتى افكر فيه

ايمان ولاهتمت بالموضوع:مااااااشي يالله نروح عندهم مجتمعين وهيصه ووناسه

وفاء تمشى بتردد ومستحيه واصله حدها وقلبها نبضاته تسبقها وتحس بحراره والجو بارد وتحت زخات من المطر
والجو الشاعري الممتع..

وايمان بتلقايئتها المعتاده:هاااااااااي

مافيه احد استغرب لان الكل يعرف حركاتها الجنونيه واستهبالها الزايد

سامي بأسلوبه المعتاد:هاااااايااااات لايمان الغاليه

احمد:اسكت لاتتكلم ترا البنت بتثرثر ساعه علينا اذا عطتيها وجه..

ايمان باستهبال لاحمد:لاتعرف تنكت ياخفييييييف

الكل:ههههههههههههههههههههه

وفاء بهدؤ:سلام

احمد قام:وعليكم اسلام اخبارك وفاء

وفاء بخجل:الحمدلله انت شلونك اخبارك يابو احمد

ابواحمد:الحمدلله زين ارتاحي

احمد وهو يشوف يد وفاء المرتجفه خوف مو برد بس اعتقد احمد انها بردت:يالله سامي نجيب الحطب ونشب النار

سامي:أي حطب والي يرحم والديك بعز الحر

ايمان:لاوالله الجو روووووعه واااااو ونااااسه
انظروا الى السماء انها ملبدة بالغيووووم


سامي باستهبال:احلىىىى كيف قدرتي عليها

ام ريم:اشوفكم معطينا اشكل

ابو سامي وابو احمد يتكلمون ومتفاعلين بعالم الفوق والتحت والاخضر والاحمر عالمهم الغريب الاسهم


ابو احمد:انا اقولك حايل الزراعيه احسن

ابو سامي:هي زينه بس مافكر فيها اللحين يقولون بتنزل بعد اسبوع

ايمان بصوت عالي الكل سمعوه بما ان الانظار كلها على الرجال الاثنين الي يتكلمون لكنها انعكست عليها:اوف ملل

ام احمد تقبصها:انتي اصص يالعوبا

ايمان تتظاهر انها اذتها:يمااااااااااااه والله مايسوى

ابو احمد:شفيك ايمان تململين وتأففين؟؟

ايمان:اللحين طالعين علشان تتكلمون بالخياس الاسهم وشغلكم ولانتسلى

ابو سامي:مانتي ملزومه تجلسين معنا روحي مع ريم ووفاء

سامي ووفاء واحمد وريم ميتين ضحك عليها



وايمان تتظاهر بالزعل:لييييه مافيه احد يحبني

سامي من غير شعور:وانا وين رحت!!

الكل استغرب وانتبه لسامي واعترافه ايمان وقفت وتناظر له

وفجائه تنفجر بالضحك عليه وتقلد العجايز:وش بلا وجهك صار احمر ياحافظ كل ذا خجل

اندهشو الجالسالين من كلامهم واحد رومانسي والثانيه خاليه من المشاعر معقول بأي زمن نحن هل المشاعر والاحاسيس تحولت للرجل والفتيات اصبحوا متبلدات المشاعر...
لاستطيع ان اقول الا نحن في زمن العجائب!!!

نترك هاذه العائله بحيرتهم واستعجابهم ونترك طعنات سامي من تجاهل ايمان؟؟


تغني العنود بصوتها الشجى:حبيبي نظره منك تساوي العمر كولو ..


سعود:اصصصص يالمزعجه انتي اخذه مقلب بروحك ان صوتك زين


العنود بغرور:تتمنى انت

سعود غير طريقه لهجته:عنوده تعالي بكلمك

العنود مستغربه:معقول تدلعني انااااا!!!عجب عجاب

سعود زعل:تعالي ولايكثر اجلسي هنا ابيك بموضوع خاص

العنود راحت بطفاقه بجنبه:هاه شعندك تراك شوقتني

سعود:اوف اركدي شوي اثقلي يابنت

العنود تعدل جلستها وتناظر الساعه:بسرعه ترا ماعندي وقت

سعود ضحك عليها:يالله بقولك مممم انتي تدرين عمري 24 والي بعمري عندهم اربع اطفال

العنود:افااااا مين ذولي الي عندهم اربع وبذا العمر

سعود ابتسم وعدل ياقته:لاي من صيغة المبالغه بس

العنود:اللحين وش المطلوب مني مطلوب اضحك؟؟

سعود انقهر من اسلوبها:اللحين تبيني اكمل ولا ا

العنود مقاطعه:افاا عليك كمل

سعود:من غير لف ودوران ابي اخت صديقتك وفاء

العنود:يييييييييييييييع مالقيت الا هي المتكبره

سعود:مابي الا هي

العنود:تراها مغروره

سعود:انا الي بتزوجها ولا انتي ؟؟

العنود:طيب قلت لابوي

سعود وبنظرات خوف وياكل اضافره:وفيه احد يقدر يكلمه

العنود راعت نفسيته:ممممم خلاص بس بسألك ممكن؟

سعود ومازال بنظرات الخوف:اسألي؟؟

العنود:مممم وش معني اخترتها..

سعود:احبها تذكرين الحفله الي سويتيها!!

العنود:ليه وفيه احد يقدر ينساها..عقب الفشايل انت وابوي قدام صديقاتي

سعود:بس انا شفت بعيونها الخوف على بوقتها

العنود ماتبي تجرحه:خلاص اكلمها.. ومايصير خاطرك الاطيب

سعود:اووووف اليوم بيجي تركي من السفر

العنود:الله يعينا عليه ويعين الي بتتزوجه ذا الكريه

سعود بنظرات اسف:السبب ابوي والله ابوي اكرهه

العنود:تتوقع لو امي عايشه بغير ابوي طريقته

سعود:اقولك شئ وماتتفاجئين!!

العنود:وشو؟؟

سعود:ابوي هو الي قتل امي..ههههههههههههههههههههههه

العنود عرفت ان الحاله رجعت لاخوها سعود:خلاص قوم سعود

سعود تتعالى ضحكاته ونظرات الخوف بعيونه:ابووووي هو الي قتل امي ههههههههههههههههههه

العنود تحاول تقومه:قوم تراي مو ناقصه قووووووم وقصر صوتك لايسمع

سعود:شوفي ماراح اقوم الا تتصلين على الشرطه وتقولين ابوي ذبح امي


يفتح الباب بقوه وسلسله متينه حديده بيده وشرارة الغضب بعينيه وبصوت عالي يحطم الجميع:يالفاااااااااااجر والله لاقتلك وارتاح منك

سعود ينزل من الكنبه على الارض وهو متقوقع وحاط يده على فمه ونظراته الحزينه والبؤس والاسى بملامحه

العنود تبي تحمي اخوها مو عارفه هي تحمي اخوها او تلقى نفسها الى الجحيم الى يد ابيها القاسيه التي لاتعرف الحنان ولا المحبه العنود في دواااااااااااااااااااامه دوامه دوامه لاتعرف من تنقذ اخوها المريض التي حالته يرثى عليها الشيطان نفسه او ماذا تفعل

سعود يمد يده بتجاه ابيه:انت الي ذبحت امي انا شفتك ليه انا ابيها


ابو تركي وعيونه بتطلع من الغضب الجامح من العصبيه يقرب لولده المتقوقع بأحدى الزوايا ويضربه بالسلاسل بقوه وبشكل موحش وتتعالى صرخات سعود من الالم من العذاب


العنود مابيدها حيله لكنها تركض باتجاه ابوها واخوها المسكين الاب الظالم والاخو المظلوم:يبااااه ارحمه خلاص
بيموووووت تكفىىىىى يبه خله

لكن الاب يزيد من الضرب وبشده وكلام العنود ليس الا تشجيع له

ابو تركي بصوت العالي:مين الي قتل امك؟؟

سعود وهو يبكي:انت انا شفتك

ابو تركي يضرب ويزيد من الضرب:مين الي قتلها؟؟

سعود بصوت خفيف يتلاشى تتدريجيا: ا ن ت

ابو تركي يضرب بقساوه وبلا رحمه الى ان سقط سعود وسط بركه من الدماء

العنود تدرون كيف حالها تدرون وش صار عليها من غير شعور طلعت فوق وقفلت على غرفتها وهي حاطه يدها على اذانها ماتبي تسمع صوت الضرب وصرخات اخوها المظلوم وغضب ابيها آآآآآآآآآآه يالدنيا العنود الي تتظاهر بالضحك والابتسامه والدلع داخلها ذا الرعب كله



في الليل الجو قارس من البروده وجالسين العايلتين يتدفئون حول النار الملتهبه الي معطيه للجو طعم ثاني والجلسه غير شكل


ايمان:اووووف وراكم ساكتين

سامي حالته تغيرت من جواب ايمان عرف انها مستحيل تفكر فيه حس بأهانه بمذله يتمنى يقوم ويضربها ويقول للمزح حدود يتمنى يذبحها ويقول حسي بقلبي:آآآآآآه من قلبي الى ماعرف مين يختار



ام ريم:ههههههههه طيب تكلمي انتي ياصاحبة اللسان الطويل والعوابه الزايده

ايمان:ابي مزيكا مافيه احد معه الة موسيقي

احمد:خير انتي وش شايفتنا

وفاء متقطع قلبها على اخوها ووتمنى تردها بس مو قدام احمد لانه مايهون عليها

ابوسامي:والله خابر ان عندنا شاعر يالله يأحمد سمعنا شئ


احمد بنظره سريعه لوفاء ونزل راسه يقول:

وفاء فهمته مو هي وبس الكل فهم نظرته

احمد:

جـيـتـك انـــا لـلـحـب بـايــع وشــــراي
ابـغـي مـحـبـة مـــن هـوتـهـم عـيـونـي
جـيـتـك وقـلـبـي حامـلـنَـه ف يـمـنــاي
عربون,,واتـمـنـى عــســى تقـبـلـونـي

جيتك بشوقي وكـل لهفـه مـن ا قصـاي
ومن الشوق عندي كل شكل(ن) ولوني
جيتـك وانـتـه ياشـفـى الــروح مـنـواي
وغيـر المحبـه مــا أطلـبـك ياشجـونـي

"
جيتـك ولهفـة خاطـري تسـبـق خـطـاي
جيـتـك أنــا عـاشـق, مـتـيـم, حـنـونـي
ماغيـر قربـك يــا دوا الـعـوق رجــواي
وان جيـت احـس الكـون يازيـن كونـي

كـل مــا سمعتك,,عـنـي تــزول بـلـواي
وكل مـا ابتعـدت احـس زادت احزونـي
"

لك قلب اصفى يالغـلا مـن صفـا المـاي
وأجـود ف عينـي مـن هميـل المـزونـي
مـنـك جـروحـي وانــت يالغـالـي ادواي
وغـيـرك تــرى مـايـقـدروا يعالـجـونـي

"
انتـه فحياتـي نــور غـطـا (ع) ظلـمـاي
وانـتـه مـعــي غـالــي أبـــد ماتـهـونـي
لـفـتَـنـي مــــن دون مـاتـاخــذ الــــراي
وغـيــرك تـمـنـوا بحسـنـهـم يلفـتـونـي

آيــه خلـقـك الـــرب سـبـحـان مـــولاي
عسـا يصـونـك مــن الــذي يحسـدونـي
بضـاعـة العـشـاق انــا جبتـهـا ويـــاي
عـســاك تـقـبــل مـاتـخـيـب ضـنـونــي....

القى احمد نظره الى وفاء الى منزله راسها من الخجل

الكل:صح لسانك




ايمان انقهرت وهي من النوع الي ماتحب تكتم الي بقلبها:احمد تراها ماتفكر فيك

ابو احمد وابوسامي يناظرون مستغربين مين تقصد

احمد ناظر على طول لوفاء

ايمان:صح ياوفاء

انحرجت وفاء وماتقدر تقول احبه او افكر فيه ماتقدر تعترف موقفها محرج قدام العايله بس الكل يناظر لها وينتظر جواب

وفاء:صح

احمد من غير شعور وبأندفاع رد عليها:


لا تكـذبين!!! الحب بعيـونك يبـــين...
في نظـرتك .. في ضحكتـك .. ودمعــة تـداريها حــزين...
أرجــوك صارحنـي ..ماضمن انا غـدر السنين...
أخاف انـا أرحـل ... وتنــدم على حب دفــين...
لا يخــدعـك منــي جفـا !!!
شعـور يصعب اوصفـه...
لمنــي وبعثـــرني ... بـردان ابي منـك الدفـا...
مابـي كثـــير..!
قـولي احبــك وش يصــير..
عـاشق ومجهـول المصـــير..
ولا تكذبــين!!!
ولأصـدق شعـورك تكتمــين..
آه بس لو تعرفين..!
وش كثــر انــا أحبـــك..
من بعــد ما شفتـك ..
كــل شـي حـولي تغيــر!!!
صـرت انـا بحبــي مســـيّر..
مجبــر ومـانــي مخيـّـر..
غصب عنـي اعشقـك!!!
وأرضـي غرورك واستسمحـك..

ولا تكذبـين !!! الحب بعيــونك يبــين..
في نظـرتك .. في ضحكتـك .. ودمعــة تـداريها حــزين...
ابنتظــر يــوم وتجــين ...
اضنـاك هم السفـر...
وأتعبــك طـــول الهجــر...
وبنظــرتـين وزفــرة حـوت كــل الحنــين..
بشيــل همّــك !!
وبعانقــك وأفـــرح بضمــك...
ووقتـها بتهمســـين ...
انــا أحبــــــــــك..!
الحــين بس اللــي عرفت انـك ابــد ما تكـذبــين!!!



مممممم

تتوقعون وش ردة فعل وفاء هالمره واهلها وش بيقولون؟؟


سعود حالته لاترضى لاحبيب ولاعدو هل ممكن تضحك له الدنيا ويتزوج الي هواها قلبه ولابيكون مرضه عائق بينهم


هل ريم تفكر بسعود؟؟ووش مرضه؟؟وكيف ماضيه؟؟


ايمان تتوقعون تغير مزحها لو مره وتتحول لجد ومين بيصير حبيبها سامي او مين؟؟

^^^^
للفته//

القصيده والخاطره صاحبها المبدع داااااايم الشووووق

مصدر الموضوع الاصلي: (((قلوووب متكسررره))) روايه سعوديه كامله

افتراضي
الجزء الرابع//


احمد قال القصيده والخاطره بلحظة تهور عدم تفكير ماعرف

انه يمكن يخسر العايله بسبب الغزل العلني آآآآآه مايدرون عن

الي بقلبه ولامستحيل احد يلومه بداخله بركاااان ناااااره ملتهبه

مشتعله وانفجرت بهاذه اللحظه...


وفاء تدرون وش صار عليها بداخله الهوايل اول مره تفرح

بذي الطريقه تتمنى تقوم وترقص تصارخ وتقول حتى انا

احبك لكن الحياء يمنعها ووفاء تمنت الارض تبلعها مع

الفرحه ليه قالت ماحبه كيف تقولها وهي تمووت على

الارض الي يمشى عليها الحب اقدس شئ بالدنيا فكيف

تنكره لكن مالحل العدو امامكم والبحر خلفكم..؟؟


ابو احمد نزل راسه من الحرج تفشل حسبي الله على

بليسك اجل ..


يقطع حبل افكاره الصوت الرجولي المزعج صوت ابو سامي


ابوسامي:وين حنا عايشين فيه ياقليل الادب ماتستحي على
وجهك هذا وقدامي كيف من وراي ياقليل الاصل

احمد قام بسرعه منحرج وسامي قدر بس ولو الغيره بقلب

سامي بعد كيف وين عايشين مو عادتنا الحب بذي الطريقه


احمد نزل راسه ومانبس ولابكلمه معترف بخطاه

ابو احمد:العذر والسموحه ابو سامي


ابو سامي:عاجبك عاجبك الي يصير

وفاء قامت كأنها مقروصه ماتتحمل احد يزعل احمد من

صغرها كيف وهي كبيره وتحبه اللقت نظره لاحمد

الي منزل راسه اسف وحزن وباين عليه انه مصدوم

من كلمتها طلعت وفاء وهي تبكي راحت ورا السياره

والجو بارد والقمر الي يطل على وفاء كأنه يعاتبها

معقول وفاء الحساسه الي ماتحب تجرح احد تجرح

اغلى انسان لها...


ايمان تضربها مع ورا خفيف:حرام عليك انتي وش سويتي

وفاء ودموعها على خدها:ولاكلمه انتي السبب

ايمان تبتسم بهدؤ:ادري بس ابيكم ترتاحون انا ادري انك تحبينه وتموتين فيه ابيك تصارحين مو تكذبين

وفاء:ايمانوه وجع حنا وين بأوروبا يصارح واصارح انا بالسعوديه يعني حبي بقلبي غير ماقدر


ايمان تمد يدها بأشمئزاز:طيب واذا مالنا قلوب ليه مانعترف انتي ماذبحك الا هالعادات والتقاليد..


وفاء تبكي من جديد:جرحته جرحته وش اسوي اموت ولا انتحر؟؟؟


ايمان تضحك:كل الطرق تؤدي الى احمد هههههههههه

وفاء:والله انك رايقه!!

ايمان:طيب عن الدلع اسكتي اقوله انك تكذبين اصلن هو يدري انك تحبينه سمعتي وش قال

وفاء:يالييييييييييييتني مت قبل ماجرحه


....:ايوالله ياليتك متي وفكيتينا من العاااااار!!!

وفاء مفزوعه:يمااااااه أي عار!!!

ام ريم:والحركات الي قبل شوي وش تسمى اكييييييد متفقين
حسبي الله عليك يالخسيسه..

الكل يسمع صوت ام ريم العالي والتهزئات لوفاء


وفاء:يماه انا وش سويت؟؟؟


ام احمد:استهدي بالله يأم ريم

وفاء:انا وش سويت؟؟

احمد بصوت عالي:ابشركم ذي اخر مره تشوفوني فيها خلاص وفاء مالها ذنب انا اساس البلا...

وفاء انهبلت جنت انهارت من كلامه تتمنى عندها جرائه وتقول احببببببببه ياناس


ريم:سودتي وجيهنا سود الله وجهك

ايمان:انتي مالك شغل انطمي....

ريم بعصبيه:يماه تشوفينها

سامي ماتحمل يسمع صوت ايمان الي تتدافع عن اخته الي يحبها من اسلوبها من تلقائيتها من ...

قام سامي:يمه يبه خلونا نرجع احسن وش ذي الطلعه والله ماصارت هي كلها قصيده وش يعني!!وماقال اخصها لاحد


ابو سامي:اقول يازينك ساكت يالله نرجع



الكل ركب سيارته ورجع للبيت الا احمد راح قبلهم ومشى بسرعه جنونيه كأنه يبي يذبح روحه يبي يفتك من الكل
ماعرف ان وفاء معاه روحها وياه


العنود جالسه في سريرها بغرفتها الكبيره وهي تشعر بالخوف بالالم على حالة اخوها تتمنى تنزل ماتقدر من الرعب
لكن مالها الا تنزل تحت وتشوف كيف حال اخوها أي مصيبه حلت به

نزلت بخطوات متثاقله وبخوف وتناظر يمين يسار كأنها خايفه من شئ لا مو كأنها الا خايفه من كل شئ من الماضي الغريب ومن الحاضر المرير ومن المستقبل المرعب
تشوف واحد وسط بركه من الدماء راسه مصاب يده ووجهه في قطع متجمده من الدم ودموعه الي تنزل يناظر الحيط وهو مايقدر يقوم من التعب قاعد يفكر بصوت مسموع: بتصير عمليه ارهابيه الساعه 3 الفجر في بيتنا بيجي ابوي يفجر الرياض لاوبيفجر الدنيا اصلن هو مو ابوي هو ابو تركي وبس انا مالي اب انا اكرهه انا لي ام وهو الي ذبحها بس يايمه انا بكره اصير قوي واخذ السكين واقتله زي الي سواه فيك ....


العنود تناظر بحزن قلبها متقطع ستين الف مره على اخوها الي حالته لاتفرح لاصديق ولاعدو وش الحل يارب وش اسوي مالي احد الا انت يارب ساعدني ابي حل يارب!!!


سعود يناظر العنود يشوف عيونها الحزينه ويتمنى يقولها ساعديني اقوم لكن مايبي يكدرها بزياده ياترى وش الحاله الي في اخوها معقول جنون او مرض غريب ماصار لاي انسان الا سعود؟؟؟؟؟؟؟؟؟؟؟

العنود تقرب لاخوها وتبكي بقوه من قلب عنده وكأنها تتوسله انه ماتشوف عيونه الحزينه عيونه الكيئبه الي تدعي للحزن والشفقه

استجمع قواه سعود وحاول يجلس مبساعده الكنبه القريبه منه قام بس علشان مايخلي العنود تصيح بزياده قرب لها:عنوده حبيتي لاتصيحين عادي مو اول مره خلاص ماصرت حساس صارت عندي مناعه خلاااااااص عاد لاتصيحين قلبي

العنود تبي تساعده تمد يدها له علشان يقوم وهي ساكته ماتبي تتكلم علشان ماتنفجر بالزياده من الصياح لحال اخوها

سعود بنظرات حزن:عنوده طلبتك؟

العنود بنحيب:عطيتك!!


سعود:تشوفين حالتي أبي افتك من ذا الجحيم ابيك تساعديني اني اخذ ريم

العنود تبتسم ودموعها غارقه بعيونها:تامر امر اعتبرها لك من اللحين...

سعود:ماتقصرين ياحلى اخت

العنود:بس بشرط تتعشى معي

سعود ابتسم وهو يمسح يده بجبينه وحس بألم ويناظر يده بأستغراب لان الدم مخفي راحة يده ويشوف نظرات اخته الحزينه:عنود يالله ابي عشى ميت جوع

العنود:طيب بس روح للمستشفى قبل


سعود:ليه

العنود خافت ترجع له الحاله:لا بس تداوي روحك علشان ..

سعود قاطعها:مو ذا الي ببالك صح؟؟

العنود:ابجيب العشاء اكيد خلص

سعود سكت ويناظر يمين يسار الى الان الرعب مسيطر عليه الخوف والله يلوم الي يلومه طول عمره ذي حالته بس معقول يفتح القدر باب سعادته ويتزوج محبوبته ولا ابوه يكون عائق بينه وبينها او المرض؟؟؟او يفتح له الفرح بابه0000000



في مكان فاضي والاناره ملئيه بالمكان يمشى بضيق بأحباط
احمد ضايق خلقه واااااااصل حده حس انه ولاشئ حس انه **************************** انه ذل روحه علشان وحده ؟؟؟ بس وش ذا؟؟؟؟

معقول!!! رقم وفاء !!!وفاء تدق !!على جواله مو مصدق حاس انه في دواااااامه وفاء تكلمني ارد عليها ولا لأ الا برد بشوف وش تبي لازم

احمد بصوت جاد ورجولي:الووو

وفاء مخنوقه ساااااكته

احمد حس فيها لازم يحس فيها مو حبيته:وفاء تكلمي لاتخافين قولي الى بخاطرك وانا اسمع..

وفاء بتردد ودموعها تسبق كلامها:اسفه انا كنت بموقف محرج صعبه اقول ايه قدام الكل وكذابه لاني قلت لا!!

احمد ابتسم:خلاص انا مصدقك وانا اسف اني احرجتك..

وفاء بتتكلم ماتقدر من الخجل ومن الحزن:مو زعلان؟

احمد:يالييييييت اقدر ازعل منك انا بتظاهر لكن قلبي مايقدر!!

وفاء سااااااااكته

احمد:قريب ان شاء الله بجي اخطبك ابيك تصيرين لي

وفاء ذابت من الخجل:مع السلامه

احمد:مع السلامه قلبي

وفاء ترمي الجوال بسريرها وتحس برعب عمرها ماحست فيه قلبها صار فيه خفقان سريع

احمد انا ليه اذا كلمتها انسى انها مو محرم لي واتمادى ليه ماعقل شوي ليه ماصير ثقيل يانااااس احبهاااااااااا احبهااااااا مووووت يارب ابيهااااا حقق امنيتي ياااارب


ايمان بغرفتها تبكي من قلب انا ليه سويت كذا ليه جرحت سامي حرام مايستاهل ليه انا ماحب ليه مو زي البنات عندي قلب ليييييييييه؟؟؟اكيد لاني مابي احط عنده امل لاني اعزه واحترمه ومابيه يتعلق بخيال انا خيال انا انسانه مجرده من المشاعر والاحاسيس ليه يارب ابي اصير مثل البنات..

ام احمد تفتح الباب:ايماااااان؟؟

ايمان قامت مفزوعه وكلها دموع من الصياح:نعم يمه..

ام احمد:وش فيك تبكين؟؟؟ صار شئ بأحمد

ايمان تمسح دموعها وتبتسم:انا اصيح من متى لا مادري وش دخل بعيني ودعكتها وصار كذا..

ام احمد:متأكده!!

ايمان:يماه بالله عليك عمرك شفتيني اصيح؟؟؟

ام احمد:ايه ايام وفات عمك!!!

ايمان آآآآآآآآآه ياعمي ياليتني اقدر انساه:ايه ماضي يمه

ام احمد:لا بس اسأل عن احمد وسواد وجهه الي فشلنا

ايمان:مادري والله عنه...

تطلع ام احمد وتقول وهي تطل براسها عند الباب:عجبتني حركتك بسامي اليوم وكسحتك له الفاشل


ايمان انجرحت لكن امها جددت لها ذكرى ذكرى مو بسيطه مو هينه ذكرها عمها الغالي الي تحبه وتموت فيه!!

ايمان تقفل الباب وتروح لسريرها وتطلع الي بقلبها كله:عمي آآآآآآه ياعمي انت حبي الوحيد انت الي ماحبيت لاقبله ولابعد اشتقت لك عمي ياليت اقدر انسااااااااك يااااااليت اموت واشوفك يارب اموت خذني لك يارب تعذبت كثيررر الدنيا وش!!من غيرك
وانت ياسامي اعذرني انا ماقدر احب روحي متعلقه بواحد ميت من اربع سنين وياليت تلقى وحده تستحقك يا سامي انت اخوي وتاج راسي بس سامحني

تبتسم ايمان ببرود ومن غير نفس:انا اعتذر لمين مين يسمعني لاسامي ولاعمي لا عمي بيسمعني صح ياعم المهم ابري ذمتي لك ياسامي واحبك ياعم حس فيني وتعال خذني..

صوت اغنيه تركني وانا محتااااجه وعمري ...

ايمان وهي تمسح دموعها:ياهلا وغلا بأحلى وفاء

وفاء بخجل:اهلين اخبارك؟؟

ايمان:وش فيه صوتك يالدبه..كل ذا علشان حمودي ههههههه

وفاء ووجهها صار احمر:اصصص تكفين اصصص

ايمان:هههههههههههههههههه شفيك يالمقروده اص واص تكلمي شفيك

وفاء:يؤيؤيؤؤيؤيؤ سويت مصيبه يايمان انا خايفه!!

ايمان تقلد العجايز:يادافع البلا وش بلاك ياوخيتي؟؟

وفاء:خليك جاده لو مره بقولك ولا خلاص اروح احسن لي..

ايمان:لحظه لحظه لحظه تراك اشغلتيني شفيك؟؟

وفاء:ياحليلك صرتي جاده

ايمان:ايه قولي لي شفيك؟؟

وفاء بخجل:كلمت احمد اخوك؟؟

ايمان:احلىىىى اكششششششششخ كييييييييف وليه ولماذا ولعل واين ولكن وهل يعني شلون كلمتيه؟؟

وفاء:مانتي صاحيه والله اقول خلاص ماتستاهلين الي يقولك ويبيك تشاركينه كل شئ

ايمان:وش فيك؟؟

وفاء:تستهبلين وانا ابيك جاده

ايمان:خلاص قولي ليه

وفاء:آآآآآآخ ياقلبي

ايمان:هههههههههههه ياعاااااااااشقه

وفاء:اصصصصصصصص لاتتكلمين

ايمان:خلاص تكلمي

وفاء:اقولك قلت له اسفه وقلت اني كنت اكذب

ايمان:هههههههههههههههههههه يعني على بالك مايدري

وفاء:اقولك ادخلي النت اللحين ابيك بشئ

ايمان:لاقوليه اللحين

وفاء:لابوريك شئ

ايمان:اوووووكي يالله باي

سامي:آآآآآآآه يإيمان للدرجه هنت عليك للدرجه ماتفكرين فيني انتي ماتستاهلين لحظه تفكيري فيك انا اكبر من اني احب وحده تستحقرني لازم انساك لازم آآآآآآآآه بس...


احمد:وااااااااو يالونااااسه معقووووول هي كانت بس مستحيه من عذري لو حبيتك خجوله وحبوبه ومافيه مثلك لازم اخطبها لازم ابيها يعني ابيها لو اسوي المستحيل لو اضيع عمري ابيها


ايمان في النت رساله على الايميل:حبيتي ايمان تكفين خلي عندك احساس وحسي فيني انا احبك موووت
بذمتك ردي على بحياة ابوك وامك لازم تردين مو تخليني زي دايما معلق وشوفي ان ماخليتك تتعلقين بحبي
ترا كل البنات يعشقووووووني

صديقك في المنتدى والي يموت فيك عبدالله


ايمان:اووووووف بردعليه وبخليه يكرهه روحه بعد ويتوب ذا ال**************************** اجل يدخل ايميلي من غير اذني هييييييين بس

ايمان ترسل له:ييييييييييع ماحبيت القريب حتى احبك يالغبي انا انا ايمان مو سهل حبي لاحد واهدي لك ذي الابيات


(((((((تخسىىىىىىىى))))))))

تخــسى انت ويخــسى قلــــبــي كانه بيعـــشـني ذلـيلـه

موب انت الي اسهر ليالي الغربه لأجلـــــــه وحيـده

قالي احبك واعشقك وكل يـوم له حيــله وألــف حيلــه

الله يحرمه شبابه ويفقد عيونه وصوتـه واللــه لايعيـده

غبــيـه يالي صدقـــتـيه وعشـــتي باحلام الف ليله وليلــه

تدرين هذا طبعهم ويجي غيرك وانتي عن افكارهم بعيده




الساعه ثلاث الفجر ياخذ سماعة التلفون ويدق999

:الو معك ..السلام عليك

سعود بصوت خفيف:الو اللحين بتنفجر الرياض بسرعه الحقو عليها


انهبل ووقف:وين وبأي حي ومين يتكلم

سعود:انا سعود وبسرعه تعالو لان بيصير انفجار بعد نص ساعه


..لو سمحت خزن رقم التلفون وموقعه:طيب مين قالك ومين الي يفجر

سعود:انا اقول ابوي بيفجر الرياض كلها تعالو بسرررررعه يالله مع السلامه





يااااااترى وش بيصير لسعود يمكن اتصاله هاذا يوديه بستين داهيه<<حولت من اللغه الفصحى للمصري شعندها

وش بيصير لاحمد مع وفاء والعوائق الي بتصير لهم ويمكن كل شئ هين لهم؟؟

سامي والحب المستحيل ؟؟؟مع ايمان كيف بيصير ينساها ولا ..

ايمان ليه متعلقه بواحد ميت من اربع سنين معقول فيه احد ماينسى ووش ميزات عمها الى مستحيل تنساه والي خلاها ماتحب في الدنيا الاهو !!!

ايمان خارجها ضحك ومزح وداخلها بركانين من الاحزان كيف تتخلص منها ؟؟

مصدر الموضوع الاصلي: (((قلوووب متكسررره))) روايه سعوديه كامله

افتراضي
الــجــزء الخـــامـس//


بالماسنجر:


ياليتني ساكنه اليوم بوسط حفرته ***** وروحي بجنب روحه مدفونه))))))))

مين انتي؟؟؟


ارسلتلك ابليس علشان تنساااني &&& رجع وقالي مايحتااج ناااسيك

ماعرفتيني انا حبيبك عبدالله وعلطول مين انتي غريبه والله

ياليتني ساكنه اليوم بوسط حفرته ***** وروحي بجنب روحه مدفونه))))))))
مين ووووجع وش تبي كل مره داخلي بايميل انت ماتتعب



ارسلتلك ابليس علشان تنساااني &&& رجع وقالي مايحتااج ناااسيك

فيه احد يتعب من حبيبته ايمان؟؟؟

ياليتني ساكنه اليوم بوسط حفرته ***** وروحي بجنب روحه مدفونه))))))))
انا الغبيه لاني معطيتك وجه واحلى بلوك لاحلى عاشق


ارسلتلك ابليس علشان تنساااني &&& رجع وقالي مايحتااج ناااسيك

بسألك سؤال اخير وجاوبيني


ياليتني ساكنه اليوم بوسط حفرته ***** وروحي بجنب روحه مدفونه))))))))

اخلص بسرعه؟؟


ارسلتلك ابليس علشان تنساااني &&& رجع وقالي مايحتااج ناااسيك

مين تقصدين بليتك ساكنه اليوم بوسط حفرته

ياليتني ساكنه اليوم بوسط حفرته ***** وروحي بجنب روحه مدفونه))))))))

ماااااااااالك شغل ايييييه نسيت بسألك وصلك قصيدتي؟؟

ارسلتلك ابليس علشان تنساااني &&& رجع وقالي مايحتااج ناااسيك

ههههههههههههه مردوده مردوده والله ماخليها !!!


ايمان تغلق الماسنجر وتحذف عبدالله.:لاوبعد يهدد على باله مين مالت عليه وش يهددني فيه ((تبتسم بكبريأ))ماتدري ان انا ايماااااان مو أي وحده هههههههههههه

الا وفاء وش تبي فيني ايه مو مطفيه النت خلني اتصفح احسن لي بأحلى منتدى لي
(( الغلا انت))<<اسم من راسي



الشرطه وصلو للمكان المحدد عرفو البيت من رقم التلفون وتهديد بالمايك::الى في البيت يطلع بسرعه سلم نفسك

البيت مظلم الكل نايم ولااحد يدري عن الاحداث الي صايره حتى سعود نسى ونام في مكانه بجنب التلفون طبعا بعد ماغلبه النعاس!!!

الشرطه بصوت أعلى//بسرررررررررررررررعه سلم نفسك ترا الي تسويه غلط انت وانت الي بتعاقب عليه اذا طولت اكثر او قاومت...


لاااااارد؟؟؟؟؟؟


ابو تركي قام من النوم مفزوع ويناظر من الشباك:اعوذبالله وش الي صاير وش فيه يكلمون مين؟؟؟لايكون فيه ارهابيين قريب منا..الله يستر بس



الشرطه:سلم نفسك لو تتطول اكثر راح تلقى جزأك...


ابوتركي انفزع وش فيهم محددين على فلتنا غريب وش القصه مالي الا اطلع وافهم السالفه يضرب راسه:لايكوووووون تركي بس لا الله يستر ان شاء الله في هالسعود ولابتركي!!!

ينزل الاب مسرع تحت ويفتح الباب وهو مييييت من الخوف
وحتى نسى انه في لبس النوم الفزع يسوي اكثر...



تفتح ايمان قسم همس القوافي وتقرأ بانسجام

فـجـئـه عـلـى الـجــوال ؟ جــانـــــي إتـصـالـي
ـــــــــــــــــــــــ مــن رقـم والـلـه فـيـه خـمـسـة ثـــــلاثـــــات
قـالـت مـسـاء الـخـيـرات ! يــــــــاكـل غــالـي
ـــــــــــــــــــــــ تــسـمــح ادردش معـك ؟ لو بـضع لـحـظـات
ابــا اتــونــس ؟ دام لـلــيــل ! تـــــــــــــالـــي
ـــــــــــــــــــــــ ومـعــك بــدردش ؟ دردشــه فــالـثـقـــافــــات
قـلـت اعــذريـنـي ؟ مـــــارتـخــي لـلـهــزالـي
ــــــــــــــــــــــــ طـبـعـي كــذا ؟ مــــاحــــب اكـــلــم بـنــيـات
قـالـت مـصـــــيـبـه ؟ وي ! يــــــــاهـمـلالـي
ــــــــــــــــــــــــ غـــريــب هـــــــاذا مــايـكـلــم ؟ جـمـيــــلات
قـلــت اقـفـلــي ؟ قـالـت تـرى مـن حـــــــلالـي
ـــــــــــــــــــــــ شــكـلـك بـخـيــلاً ؟ مـاتـحــب الـكـــــــلافــات
قــالـت عـزوبـي ؟ قــــــلـت راضـي بـحـالـي
ــــــــــــــــــــــــ افـضـل مـن إنـي اعـتـنـق ؟ قــصـر الاهــات
قــالـت هـذا ؟ قـصــراً مـهـو قـصـر خــــــالـي
ــــــــــــــــــــــــ قـصــراً بـه الــراحــه ؟ وكــل الـمـســـــرات
قـلـت الــنـــوف ؟ الـلــــــــــي ابـيـهـا حــلالـي
ــــــــــــــــــــــــ لـلـحـيـن ادورهــا ؟ ولـلــحـيـن مـاجــــــــات
قــالــت انــا ؟ يـمــكــن يــهـــزك جــــــمــالـي
ــــــــــــــــــــــــ جــرب ؟ وربـي مـاتـشـــوف الــــحـسـوفــات
قـلـت الـجـمـال ؟ الـلـي احـتـواه الــــــــدلالـي
ـــــــــــــــــــــــــ ضــمــيــه ؟ لايـصـبـح مـــع الـريــــح ذرات
قـالــت عـن الـغـلـطــات ؟ خـلـك مــــــثــالـي
ـــــــــــــــــــــــــ تـرى سـلـوبـك ؟ يـرفـــع الـضـغـط سـاعـات
ضـحـكـت مـنـهـا ؟ ضـحـكـه بـصـوت عـالـي
ـــــــــــــــــــــــــ ومـع ضـحـكـتـي زودت ؟ بـعـض الـتـنـهـات
قــالـت غـبـي ؟ قـلـت الـغـبـاء شـي خـيــالـي
ـــــــــــــــــــــــ خـصـوص لـلــي ؟ مـثـل نـوعــك ؟ غــبــيـات
قـالـت خـبـل ؟ قـلـت افـتـخـر ؟ فـي خـبـــالـي
ـــــــــــــــــــــــ احـب اكـون الـخـبـل ؟ لاشـفـــــــــت خــبـلات
وقــبــل مـهـبــول ؟ اقـول مـاحـلـى هـبــــالـي
ــــــــــــــــــــــــ ترى الـهـبال يـطـيـب لي ؟ فـبـعـض الاوقـات
قـالـت احـسـك ؟ مـــاتـــحــمــل جــــــــــدالـي
ــــــــــــــــــــــــ وراك مـتــذمــر ؟ وداخــــــلـك حــــــســرات
قـالـت بـجــد ؟ ابــي تـجــاوب ســــــــــؤالـي
ــــــــــــــــــــــــ ارجـوك جـاوبـنـي ؟ وقـــــــول الـصـراحــات
هـل لـك حـبـيـبـه ؟ قـدرهـا بـجـد غـــــــالــي
ــــــــــــــــــــــــ والا تـــونــس خــاطــرك ؟ بـالـصـــــــداقـات
قـلـت احـتـفـظ ؟ فـي هـالاجـابـه لــحــــــالـي
ــــــــــــــــــــــــ وصــكــي تــرى مـاحـب بـعـض الـتـفـاهــات
قــالــت قـهـر ؟ لـيـتـك مـن اعـيـال خـــــالـي
ــــــــــــــــــــــــ والا امــي وامـــــــــك ! خـــواتً شـقـيـقـات
والـلـه لـحـبـك ؟ لـيـنـه إيـبـيـد حــــــــــالـي
ــــــــــــــــــــــــ ووالـلـه لـسـوي فـي غـلاك الـمـصـيــــــبـات
لاكن ؟ تـبـي الـمـنـتـوج ؟ يـابـــــــن الـحـلالـي
ـــــــــــــــــــــــ لـقـيـت رقـمــك ؟ عــنـد اعـز الـــصـــديـقـات
قـالـت هـذا شـاعـر ؟ وصــوتـه خــيــــــــالـي
ـــــــــــــــــــــــ شــوفــي عـنــه ؟ يـمـكـن يـســـوي عـلاقـات
وهــزيــت راســي ؟ مــــن جـنـــونً يــحــالـي
ـــــــــــــــــــــــ جــنـــون مـن يــونـس مـن الـوقـت طـعـنـات
لـيـه الــورود الـيــــــــوم ؟ مـــن غـيـر والـي
ـــــــــــــــــــــــ وشــلـون تـرمــى ؟ فـالخـطر ! والـمـتـاهـات.

ولكم كل الود مع تحيات/اشتـاق لكــ


ايمان تتنهد من خاطر:آآآآه ياحظ حبيتك فيك ياليت حبيبي مثلك وتفكر بأنسجام بعدها بدقايق.....

((تنفجر بالضحك))انا وش صار لي قاعده اتمنى واتمنى انا انسانه متبلدة المشاعر ماعندي احاسيس ولاً كان حبيت العاشق سامي قلبي مات من خليتني عمي انا ميته انا معك آآآآآآخ اشتقتلك متى اجيلك متى يارب تاخذني له ابي اشوفه لي اربع سنين عنه اشتقت له حييل آآآآه ليه انا مانسى عمي مو قدي ولاهو بعمري حتى اقول انه كان دايما معي ليه انا ماتقبل فكرة الموت كيف بعيش باقي عمري كييييييف....

يلفت نظرها اسم او نك نيم داخل المنتدى المنتدى
تصحى من تفكيرها:وااااو جاء شاعري المفضل اشــتاق لكــ

تدخل الالعاب وترد في برود من فكرت بعمها وهي تنسى ابتسامتها بس فيه احد حس فيها؟؟؟؟؟؟تتوقعون مين!!



بعد التحقيق والتفتيش شافو واحد في زاويه شكله كئيب مرعب يحزن حيوان كيف انسان يشوفون واحد مكور جسمه ونايم طبعا !! سعود وهو ملقى على الارض والجروح باينه في ملامحه والكآبه يكسر الخاطر طبعا رحموه بعد ماعرفو حالته من ابوه وقال لهم انه مجنون لكن فيه شئ مو مقتنعين فيه؟؟؟؟

الضابط واحد رافع حاجب:طيب فيه شئ ماعرفته وش الجروح والدم الي فيه ممكن نعرف السبب؟

ابو تركي ارتبك:هاه لابس يمكن طاح اوشئ

الضابط بنرسل له اسعاف ويشوفون حالته وانت توقف عندنا يوم على مايخلص التحقق..


ابوتركي:وانا وش ذنبي واري اشغال كل شئ ينتظرني..

الضابط:لاتخاف مو مطولين معك بس نعرف حالة ولدك ووش الاسباب الي خلته يسووي كذا وبعدها تطلع

ابو تركي وهو يناظر لبسه:طيب ممكن اغير؟؟

الضابط:تفضل..



رساله على الخاص//

من اشــتاق لكــ الى دموع الحزن((ايمان))

السلام عليكم ورحمة الله وبركاته

اختي دموع الحزن بصراحه كذا انتي ماتعجبيني

وين دموع الي قبل قولي لي وش فيك يمكن اساعدك



ايمان استغربت !!! من الرساله كيف عرف اني حزينه مو شاعر لازم يحس طيب ليه اختي احب هالكلمه من الكل الاهو اوف
وحاولت تتجافى هالاحساس وتكتب

رساله//


ايمان ترسل وهي تفكر ليه ماتقوله عن عمها خلها تقوله يكون اول انسان يعرف انها متعلقه بروح شخص من اربع سنين بس وش معنى؟؟ايه لانه هو الوحيد الي عرف اني حزينه من غير ماقوله..

بصراحه يأشـتاق لكــ انا مفتقده عمي كثير هو مات من اربع سنين وكل يوم احزن عليه اكثر احس بجنون

ومشكور على سؤالك



الدكتور محمد:يالله حالته غريبه أتوقع هي الشخصيه النرجسيه

الدكتور خالد:انا بعد اتوقع انها هي يتخيل اشياء مو موجوده او اشياء موجوده بس غريبه

محمد:الله يكون في عونه والعلاج اللحين يعني بمهدئات ولاشلون!!

خالد:والله اتوقع بمهدئات لان المرض نادر وماكتشفو له علاجات


الدكتور وهو زعلان على حالة سعود:والمعامله لها دور كبيررر وانت تشوف الجروح المرعبه ويمكن يعاقب عليها القانون

خالد:مأقول الا الله يشفيه بس...


سامي واااااصل حده وضايق خلقه معقول للدرجه هنت عليها

ليه ماتحس فيني خابر البنات يحسون حتى من غير الواحد

مايتكلم ليه ماتفكر فيني ليه ماتحس احس بجنون بموت انا

غبي ليه افكر فيها هي ماتستاهل الى يعبرها لحظه

خلني انام احسن لي مواصل من الفرحه لاعادت من وناسه





العنود قامت من النوم وهي ميته خوف ماتدري وش الي

صار بس سمعت وشافت الشرطه يفتشون البيت بس ليه كيف

ماتدري؟؟؟؟




ايمان تكلم روحها:اللحين وش اسواة اكلم وفاء ولا اطنشها خلني اكلم العنود ابرك لي واشوف حبيبها ش سوى فيها مسكينه وخبله بعد تحب واحد من النت الله يخلف على اهلها بس

ايمان:الووووووو

العنود بصوت هادئ:اهلين

ايمان:اخبارك عنوده لايكون نايمه (تشوف الساعه 3 ونص

العنود:لاارقص الناس هالوقت وش تسوي

ايمان:وهذا جزاء الي يبي يتطمن عليك

العنود:مممممم تقصد بعبدالمجيد

ايمان:ايه وش صار؟؟

العنود:آآآآآآآآآآه آآآآآآآآه

ايمان:اقولك انطمي بس تآآهين علينا يابنت الناس علاقتكم فاشله وبعدين الشباب يبون وحده دينه مو بايعه روحها مثلك


العنود زعلت:انا بايعه روحي حرام عليك والله هو اول واحد اتعرف عليه

ايمان:وربي ادري بس هو مستحيل يصدق

العنود:الا هو مصدقني ويحبني

ايمان:شوفي يابعدهم انتي ماعندك احد يوجهك لازم انا اوقف معك والله ذا يلعب عليك والله يلعب عليك مصدقته

العنود:اوف

ايمان:طيب وش نهاية هالعلاقه

العنود:اكيد بنتزوج ويصير لي انا

ايمان تتكلم باستهزاء:احلفي قولي والله بس لاتنسين تعزميني لزواجكم بس ماقلتيلي بأي قاعه بأي فندق بأي بيت


العنود:انا غلطانه اني قلت لك يالله باي

ايمان:عنوده لحظه ابيك تعطيني ايميله ابشوف بيتعرف على او لأ

العنود:لوسمحتي تسكتين ادري بتخطفينه مني

ايمان تضحك من قلب تتخيل هالموقف:هههههههههههههههههههههههههه ضحكتيني وانا مالي نفس ياللا باي تصبحين على خير بروح انام

العنود من غير نفس:وانتي بعد مع السلامه

ايمان تروح لسريرها وهي منكسر خاطرها على سامي وعلى العنود ومشتاقه لعمها وماخلت احد مافكرت فيه الى غطت في سبات عميق حتى الأنوار نست تطفيها الاجوالها اغلقته من القهر على وفاء الي طنشتها



وفاء نست موعدها لايمان لان ماكان عندها سالفه الا انها مبسوطه وحاسه بأنتصار لانها قالت لأحمد ولازعلته مثل قبل
ماتدري ان تسرعها اكبر خطأ وبذات انه مو محرم لها..
لكن داخلها ميته فرح وخوف ورعب كل شئ فيها عكس الثاني بس الشئ الي تعرفه انها تحبه من طفولتها


ريم باصراخ وتقطع حبل افكارها:وش قاعده تسوين

وفاء انهبلت:افكر ولاحرام بعد

ريم بصوت عالي:تفكرين بأحمدوه !!!

وفاء:مالك شغل افكر بالي ابي.

ريم بعصبيه:انتي بتشوهين سمعتنا ؟؟؟؟

وفاء:اوووووووف والي يفكر بيشوه..

ريم باصرار:اييييييه تشوهينها يالفاسده


من وراها يمسكها بيدها ويعطيها كف بأقوى ماعنده


ريم تمسك خدها:يالنذل

سامي بعصبيه:تقولين هالكلام الماصخ اذبحك فهمتي؟؟؟


ريم تبكي وتطلع برا الغرفه

وفاء انهبلت اول مره سامي يمد يده على احد:سامي رح مو تجي امي تهاوش

سامي وهو يتنفس ويتنهد: بنزل اتمشى بالحديقه

وفاء تحرك راسها دليل الايجاب




ايمان تقوم مفزوعه وبصراخ وتجلس:لااااااااااااااااااااااا
وتنتفس بصعوبه وتحس بخوف وش ذا مين سلطان مين الي كل يوم اتحلمه ليه اتحلم احلام مرعبه قبل شوي بعمي ابراهيم يناديني يقولي مشتاق لك واللحين سلطان مين سلطان وليه يبي يطيحني لييييييه وميين بنجن انا مشكلة احلامي تصدق؟؟

عمي تعال خذني مو مشتاق لي ودايما تقولي ابيك تعال خذني

تبكي من قلب وترمي روحها بالسرير وتضم مخده وهي ميته صياح تحس بضغوطات وبذات من حلمها المتكرر بعمها هل له تفسير هل هو محتاج لها ويبي منها تتصدق او عن جد بتموت قريب وهو يتمنى كذا حتى ترتاح من العذاب الي هي فيه؟؟؟؟؟؟؟؟؟


سامي وهو يتمشى باحديقه يقرب لجوريه ويشمها ويشوف حلزونه ويقرب لها ويتأملها:سبحان الله غريب شكلها!!!

ويشوف كيس ازرق تحت التراب يحاول يطلعها طلعها بسهوله لانها قريبه غريبه وش الي فيها!!!

يفتحها يلقى فيها شعر انهبل استغرب وش ذا

تنزل من الدرج وفاء:سيًوووووووم وش تسوي

سامي بصوت خفيف خايف احد يسمعه:تعالي وفاء شوفي وش ذا؟؟؟؟

وفاء:وش فيك

يفتحه يقرب لوفاء شوفي شعر غريب من ايش وليه

وفاء:يماه تتوقع سحر؟؟؟الخدااااامه اكيد هي الي فرقت بين ابوي وامي وعلشان كذا يتهاوشون دايما


سامي:الله واعلم اللحين بفتحه وارميه واعرف مين المسحور هذا اذا كان سحر


يفتحه سامي ويتناثر بالهواء الطلق ووفاء تحس ببروده من الرعب؟ياترى وش السر

احمد واصل لسابع سماء من الفرحه وماقدر ينام مستااااانس حده وناوي يسوي الى في باله انه يرسل مسج لوفاء وفعلآ ارسل

ووفاء بيدها جوالها لانها قاعده تحاول تكلم ايمان بس المشكله انها مقفله جوالها

رساله جديده=1

يالغالي اللي غالي الروح تفداك
إرفق على روح تحبك وتغليــك
إرفق على قلب معك حيل يغليك
إرفق على عقل بفكره يناجيـــك
إرفق على منهو دوم يراضيـــك
إرفق ترى وصلك اماني حياتي
إرفق على الي دايم في حراويك
(لاتزعلين لاني ارسلت مارسلت الا لأني بموت من شوقي وحبي لك)

سامي بصوت عالي لان وفاء بعيده عنه:احلى يارسايل
انا مايرسلون لي الا الاتصالات عزيزي العميل وعزيز الله لايعزهم

وفاء فاتحه فمها ومو مصدقه مشاعرها تضاربت كل شئ فيها تغير انهبلت وعلطول قفلت جوالها



ممممم تتوقعون وش يصير لها يشوف سامي المسج ويصير تعامل ثاني او لأ؟؟؟؟

هل تزيد وتتطور علاقة وفاء واحمد او احد يقطعها؟؟؟

كيس الشعر الي شافه سامي له صله بسحر ومين المسحور وليه ؟؟؟

العنود وش نهايتها مع حبيبها عبدالمجيد هل نهايه مميزه او مخيفه؟؟

ايمان وش قصة احلامها المكرره مره بعمها الي يناديها ومره بسلطان الي ماتعرف احد بذا الاسم؟؟؟

سعود وش يصير له والمرض هذا وحبه ولريم وعنف ابوه؟؟

اشياء كثير وغريبه بتعرفونها بعد التشجيع والحماس لاني محتاجه لتشجيعكم

^^^^^^^^لفته القصيده للمبدع دااايم الشووووق

مصدر الموضوع الاصلي: (((قلوووب متكسررره))) روايه سعوديه كامله

الرواية حما سية جداااااا ومشوقة



أبدعت في ما قدمت

مصدر الموضوع الاصلي: (((قلوووب متكسررره))) روايه سعوديه كامله

مصدر الموضوع الاصلي: (((قلوووب متكسررره))) روايه سعوديه كامله

مصدر الموضوع الاصلي: (((قلوووب متكسررره))) روايه سعوديه كامله