مصدر الموضوع الاصلي: اسوأ عشر هدايا

اسوأ عشر هدايا
يلا نقلت الموضوع مع اني مو مقتنعة فيه
بس ممكن غير يشوف نفس النظرة ههههههه

[size=25]


كتير مرات بتعب الشاب وهو عم بدور على هدية مناسبة لصديقته أو خطيبته، بس
بتصيبه بخيبة أمل كبيرة لما يشوف برد فعل صديقته تجاه الهدية.


اختيار الهدايا وطريقة تقديمها تعتبر فن بحد ذاته.. الهدية عبارة عن رسالة
حب وتقدير لشريكته عشان هيك لازم تكون الهدية حسب شخصيتها وذوقها، ولازم
الهدية تذكر الصبية بحبيبها, مش مهم إذا الهدية غالية أو رخيصة, المهم إنها
تكون معبرة !

عزيزي الشاب هاي قائمة بأكثر عشر هدايا تكرهها الصبية:

1. الأدوات المنزلية


الصبية ما بتحب انه يقدملها صديقها أو خطيبها (مكواة أو خلاط فواكه أو
مكنسة كهربائية أو مواد تنظيف للمنزل)؛ لأنها بتذكرها بشغل الدار اللي بدها
تحاول تنساه لما تلتقي بحبيبها.
تصور مثلاً أن تفاجئ زوجتك – بعد نهار شغل طويل - في عيد ميلادها أو عيد زواجها بصندوق فيه خلاطة!

2. أدوات المطبخ


الصبية بتكره أي هدية تذكرها بالعمل في المطبخ ، ومن هذه الهدايا: طقم صحون، فناجين والصواني مهما كانت فاخرة.
انتبه، وما تشتري لصديقتك أبدا مريول للمطبخ حتى لو عليه صورتك!! ولا كتاب
فيه وصفات لطبخات مختلفة، وأشياء تانية اللي بتذكر الصبية بالعمل في
المطبخ. بس إذا هاي كانت هدية بمناسبة الاحتفال بيوم عائلي ممكن تكون
مناسبة.
الصبية بتحب استلام هدية رومانسية، كباقة من الورود أو حتى وردة واحدة المهم تعبر عن اهتمامك فيها.

3. الهدايا اللي بتشتريها عن طريق الانترنت


عشان نكون واضحين معكو .. الصبية بتحب تحس أن صديقها طلع خصيصا يشتري
الهدية وأنه بذل مجهود عشان يرضيها، واختيار هدية تبعث السعادة فى قلبها،
بدل من أنه يقعد في البيت وطلب الهدية عن طريق الإنترنت، الهدية عن طريق
الإنترنت ممكن تعبر عن عدم الاهتمام وأنها بمثابة أداء واجب بس.

4. إكسسوارات للسيارة


عزيزي الشاب.. منحب نقولكوا انه اهتمامنا بالسيارة موجود في أخر قائمة
أولوياتنا. يعني الصبية ما بتهتم في انها تتفاخر بالسيارة والإكسسوارات متل
الشاب، وعشان هيك اذا اشتريتلها إكسسوار للسيارة، مش رح تلاقي على وجهها
إلا ابتسامة مزيفة بتاكد فشلك في إنك تسعدها أو تفاجئها بهدية تعجبها.

5. كريمات الوجه


ولا مرة تشتري لصديقتك كريمات لترطيب البشرة أو مقاومة التجاعيد ؛ لأنه هاد
بذكرها إنها عم بتختير، وممكن تفكر انك بتنظر إلها كامرأة كبيرة في السن.
عدا عن انه اغلب الصبايا بفضلوا يشتروا الكريمات وأدوات التجميل بنفسهن، كل
واحدة بتعرف شو النوع المفضل عندهن واللي بناسب طبيعة بشرتهن.

6. صورة فوتوغرافية من أيام الشباب




كتير شباب بيفكروا أنة مفاجأة صديقتهم بصورة الهن وهن أصغر وأكثر شباب، رح تكون هدية كتير حلوة ..
بس هاي الصورة - حتى لو كانت مغلفة بإطار ذهبي أو مرسومة على ايد فنان
مشهور – مش رح تعجب الصبية، لانه الرسالة الغير مباشرة اللي بتتلقاها
الصبية عبر هاي الهدية هي: "هيك حبيتك" أو "انت مش زي ما كنت !".

7. دورة للنحافة او كورس للرجيم



ممكن يشتري الشاب بطاقة للصبية للمشاركة في دورة للنحافة والرشاقة، بس
الصبية ما بتحب مثل هاي الهدايا اللي بتحمل رسالة بأنه وزنها زائد أو إنها
بحاجة تعمل شيء لتحسين جسمها. فالصبايا بفضلوا يعتنوا برشاقتهنّ من دون
تدخل الشاب .
وحتى لو كانت نواياك سليمة ,ردة فعلها ممكن تكون عصبية وغضب، لانه أكثر شي
بكرهوا الصبايا فى هاي المرحلة أنه حدا يلفت نظرهن انهن "غير جميلات أو غير
رشيقات".

8. كتب حول العلاقات :


اكتر اشي بكرهوا الصبايا أنه حدا يرشدهن كيف يتعاملوا مع الشباب ، لانه حسب
رأيهن هن بيعرفوا كتير منيح كيف يتصرفوا وإذا بتعطيها كتب من نوعية "كيف
تسعدين زوجك" أو "كيف تحصلين على رضاء خطيبك"، فإن الرسالة اللي رخ تفهمها
هي: "أنك مش مبسوط معها وانها مش عم تعمل كل شيء لاسعاده" أو "أنتِ ما
بتفهميني بشكل كاف" ، هدية من هاد النوع رح تتسبب في انها تغضب وتزعلوانت
اكيد مش معني انك تزعلها في يوم عيد ميلادها !! صح؟

9. دورة لتعلم فنون الطهي


كتير حلو أنك تشرك صديقتك في دورة مفيدة لاستغلال وقت فراغها، بس فكرمنيح
قبل ما تختار نوعية الدورة اللي رح تسجلها فيها.. فإذا اخترت دورة في فنون
الطهي، انت عم تقولها أنه طبخها مش عاجبك أطباقها .. ممكن تشركها في دورة
لتعلم فنون تصميم الأزياء أو لتعلم بعض الفنون كالأعمال الخزفية أو أعمال
التريكو أو حتى تعلم العزف على آلة موسيقية، بس انتبه، لازم تختار نوع
الهدية حسب اهتماماتها وهواياتها.

10. تذاكر لمشاهدة فريقك المفضل أو فيلمك المفضل:


ممكن تفكر أنه مشاركة صديقتك في بعض النشاطات اللي انت بتحب تشترك فيها رح
تزيد من قوة علاقتكم ، بس العكس هو الصحيح. لانك انت من الأساس ما اخترت
صديقتك لأنها بتشبهك، بل اخترتها لأنك حبيتها كيف هي، وعشان هيك مش كتير
حلوة انك تيجي تفرض الاشياء اللي بتحبها عليها
ما توخدها على فيلم اكشن أو رعب أو خيال علمي، إذا كنت تعرف أنها ما بتحب
هاي النوعية من الأفلام، لأنه وقتها هي رح تروح معك بس كنوع من أداء
الواجب، ومش رح تكون مستمتعة بوقتها ![/size]

مصدر الموضوع الاصلي: اسوأ عشر هدايا

هههههههه حلوة الموضوع
تسلمين ع النقل
وبالمناسبة ان شفت كاريكتر شبيه هذالموضوع

مصدر الموضوع الاصلي: اسوأ عشر هدايا

ههههههههههههههههههههه

يسلمو يا الغلا على الكاريكتيرر

بس لو جينا للحق اكيد في امور تحكم بهذا الشي

لان اغلب الرجال يشوف ان الهدية لازم تكون شي غالي

يقولك لاوالله ما بهدي الا شي يبيض الوجه ولا ما اتفشل

مع ان الهدية بقيمتها المعنوية وليست المادية

بس هذي عقليه الرجال الامر لله ههههههههههه