اليوم حبت انزل لكم طريقة البرياني بالطاجن طبعا الطاجن هو اناء من الفخار يعطي نكهه حلووه للأكل هذا غير انه الطبخ فيه صحي اكثر من غيره والطاجن غالبا يستخدم للطبخ اللحوم او الدجاج المسبكه مع الايدامات بس بصراحه دخلت تحدي مع وحده اني اسوي فيه برياني والحمد لله قدرت اسويه فيه
اترككم مع الطريقه والصور :
اول شي نحمس الثوم والبصل في زيت زيتون
بعد ما يذبل احط عليه زنجبيل مبشور + طماط + مكعب ماجي
ونحركهم الين يذبلون بعدها اضيف الفلفل الاسود + البهارات+ الكركم + الملح + الدجاج منزوع الجلد
ونقلبه لمدة 5 دقايق وبعدها احط عليه شوي ماي واخليه يطبخ واغطيه
الرز نكون غسلناه ونقعناه ربع ساعه نيب قدر ونحط فيه ماء + ملح + زيت ونخليه الين يغلي اذا غلى نحط عليه الرز ونخليه (( نصف استواء )) وبعدها نشخله
الحين نرجع للدجاج مره ثانيه بعد ما قلت مرقته شوي نحط عليه علبة زبادي مع كم حبة فلفل حار
ونرجع نغطيه نخليه يطبخ شوي
بعدها نشيل نصف مقدار الدجاج من الطاجن مع نصف المرقه ونحطها بقدر ثاني علشان نبتدينسوي طبقات البرياني
@ @ @ @ @ @ Idea Idea Idea ghjkjhjhgf ccccc1
الحين نجي لجزء الدجاج اللي موجود بالطاجن
نغطيه بطبقه من الرز وبعدها نغطي طبقة الرز بالدجاج الي عزلناه مع قليل من المرق ونرجع نغطيها بالرز
وبالاخير نرش المتبقي من مرق الدجاج على الوجه مع الفلفل
ونغطيه ونخليه على نار هاديه واذا تنشف من المرق نحط الطاجن تحت الحديده
وقبل التقديم نرش على الوجه شرائح بصل مقليه + صنوبر مقلي
السبت ديسمبر 25, 2010 10:44 pm
