مصدر الموضوع الاصلي: رواية انت لي مو لحد ثاني

بسم الله الرحمن الرحيم


السلام عليكم ورحمة الله وبركاته


قصة (انت لي مو لحد ثاني)
كلها صرقعة و مواقف بين عيال و بنات عم
كل ما قريتوا بارت عطوني رايكم فيه اوك

( التعريف بلعوائل)

الجد : ابو عبد الله(عبد العزيز)

الجده:ام عبد الله( هياء)

الجد والجده عايشين ببيت مرت ولده الثاني ناصر(ابو فهد) ممكن تستغربون بس الجده ماتحب الا (ام فهد)
وماترتاح الا لها مع ان كل زوجاتهم طيبين بس عجايز وحركاتهم.
_________________________________________

ابنائهم:
احمد( ابو راكان)طبعا كبير عائله وله الشور بعد ابوه
تهاني(ام راكان)ام حبوبه
بنتهم ساره:23 متزوجه سعود وهي الحين حامل ويدلعونه سوسو
راكان:22متخرج وهو راح يشتغل بعد الاجازه بشركة العائله
شذى :20 بنت روعه شعرها اسود وقصير وعيونها وسط ولون عيونها سود
محمد: 18 ولد مزيوووووووووون وهو فله وموسع الصدر وجذاااااااب وله غمزات في خدوده
في:19 وهي دلوووووعة ماما وبابا ويدلعونه فوفو وشعرها اسود ولون عيونها سود
فارس: عمره سنتين ولد يهبببببببببل يدلعونه فروسي

_________________________________________
ناصر(ابو فهد) حبوب وطيب ويحب اولاده مررررره ولا مره يرفض طلب لهم
وفاء(ام فهد) ام حبوبه وتحب اولاده مره
هيفاء: 21بنت ابو العرابج عربجيه شعرها قصيرى وعيونها وساع سود
فهد:20 يدرس ادارة اعمال كما ان فهد يمتلك سحر خاص مقرون بجاذبيته
غدير: 19بنت ذات جمال مزيونه بيضاء وعيونها وساع لوزيه وشعرها اسود حرير وناعم وغدير تؤام طلال بس غدير اكبر بدقيقه
طلال: 19مزيون وجذاب ويمتلك غمزتين في خدوده
الهنوف:18 بنت مزيونه بيضاء وعيونها وساع عسليه وشعرها اسود حرير وناعم وهي ناعمه و دلوووعه ماما وبابا والكل يحبه يدلعونه هنو وهي فله وموسعه الصدر
_________________________________________
العمه لطيفه:ام احمد(سلمى) ام حبوبه وفاضله
ابو احمد (عبد الرحمن) ابو حبوب والكل يحبه ويعتبرونه اخوهم والجد والجده يعتبرونه و لدهم
احمد :25 ويشتغل مع ابوه وعمامه بالشركه العائله وهو جذاب واي بنت تشوفه تخق معه وعليه ابتسامه تذووب وله غمازات في خدوده << مزيوووون وجذاب
نواف : 23في جامعة الملك سعود مملوووووووح وعيونه وساع يدرس لغات
فاطمه:20بنت عربجيه وكل يوم هواش مع اخته هند كل شي تسويه بدفاشه ويدلعونه فطوم وهي سمرا وشعرها اسود حرير
هند :19اول جامعه بنت حلوه ودلوعه وشعرها ياصل الى الضهر اسودوعيونها عسليه وساع
يدلعونه هنادي
درر : سنتين بنت حلووووووووه ودلوعه
__________________________________________________ ______
العمه شوق :ام ياسر ام حبوبه وفاضله
ابو ياسر: زوج العمه نوره (عمر) ابو حبوب والكل يحبه ويعتبرونه اخوهم والجد والجده يعتبرونه ولدهم
ياسر:25 وهو ولد فله وجذاب وهو صديف عبد الله ويشتغل في الشركه
خالد :21 مزيون وجذاب وهو احلى من اخوه ياسر
ملاك:20بنت حلوه وجذابه اسم على مسماء ملاك وعيونها هلاك ذات جمال بيضاء وعيون وساع لوزية
نوره:19 بنت خلوقه وجذابه عيونه وساع بني
انوار:18بنت ذات جمال مزيونه بيضاء وعيونها وساع عسليات وشعرها اسود حرير وناعم وهي ناعمه و دلوووعه ماما وبابا والكل يحبه يدلعونه نونو وهي فله وموسعه الصدر
____________________________________________
العم نايف: هو يدرس برى له كم سنه دارس برى يعني كم اسبوع او شهر كذا ويجي توأم دانه وهو يمووت عليها
العمه دانه : توأم اخوها نايف وهي تمووت على اخوها دلعها (دندونه) وهي بنت تجنننننننننننننننه حلووووه وعيونها مسحوبه على فوق شوي ولونهم عسلي زي اخوه نايف


_________________________________________
يالله اخليكم يأحبأي مع القصه
البارت الاول
العصر
الهنوف نايمه ومسكره الباب و ضلام الغرفه والغرفه بارده بس نور بسيط من النافذه انفتح الباب بقوه
الجده ومعها العصى : قومي لا اشوتك برى الغرفه
الهنوف: بسم الله ارحمن الرحيم يالله صباح خير
الجده هياء :سم وش شايفتني جنيه قومي
الهنوف وهي على السرير:ليه
الجده هياء :وشو الي ليه قومي الحين العصر صلي
الهنوف مبرطمه: طيب وهي تتقلب بسرير
الجده هياء وهي رافعه العصى :قومي لاكسر العصى على راسك
الهنوف وهي قايمه من السرير: لا لا خلاص هذاني قمت افا بس يمه تبين تضربيني بالعصى
الجده هيا:اقول لا يكثر
الهنوف وهي تضحك :هههههههههههههههههههههههههههههههه يمه من الي علمك لا يكثر
الجده وهي طالعه من غرفة الهنوف ونازله بلدرج: وه هل البنات بنات اخر زمن الله يعينكم عليه يالله باللله قامت
وفاء: قلت لك ياخالتي لا تعبين نفسك انا اقومها
الجده هياء تضحك: شفتي كشتهاهههههههههههههههه
وفاء: ليه خالتي وش فيها
الجده هياء وهي تتذكر كشتها: من كثر التقلب يمين ويسار طايره كشتها
الجد عبد العزيز قطع عليهم الحوار :فهد وش رايك نروح للمزرعه منها نستانس ومنها نونس العيال والبنات
الهنوف وهي نازله من الدرج : ايه تكفى ياجدي
الجد عبد العزيز:خلاص طيب
الهنوف: وه بس فديييييييييييتك (وباسة راسه) اي يوم
الجد عبد العزيز : اي يوم انتي تبينه
الهنوف بدلع :ابغى بكرى
الجد :طيب بكرى بكرى
الجد: اجل بدق على عبدالله واقوله
راح الجد يدق على ولده ويقولهم انه بكرى يطلعون للمزرعه
في الجهه الثانيه
عبد الله : تهاني اسمعي تو ابوي دق يقول ان بكرى نبغى نطلع المزرعه
فوفو>> في<< قبل لا تتكلم امه: واااااااااااااااااااو اللللللله خلي اروح ادق على البنات علشان ناخذ شوكليت راحت وقالت للبنات يجبون المشروبات والشوكليت والشبسات
__________________________________________
في الصباح
الساعه سبع الفجر
دخلت العمه لطيفه على غرفة هند
العمه لطيفه: هنادي حبيبتي قومي الحين الساعه سبع عمامك يقولون نبغى نروح للمزرعه الساعه 9 قومي
هند:همممممممم يمه تونا الحين سبع
العمه لطيفه :قووومي وشو الي توناء يالله تاخذين شاور ويالله ويالله والبس الحين ابغى اقوم خواتك اذا ماقمتي نبي نروح ونتركك
العمه لطيفه اول ماخلصت من كلامه توجهت للباب وطلعت لغرفةفاطمه
دخلت العمه لطيفه: فطوم يمه قومي يالله
فطوم : لحووووووول يمه وشو
العمه لطيفه : وشو الي وشو قومي يالله علشان نبي نروح المزرعه قومي
فطوم وهي قايمه : حااضر يمه الحين قمت
العمه لطيفه: تعالي تحت علشان تفطرين
فطوم: اوكي من عيوني
العمه لطيفه: بس بس خلي عيونك لك مابيهن لي عيون الله يسلمك وطلعت
الكل ركب السياره ابو احمد بسياره معه ام احمد و درر
والسياره الثانيه سيارة احمد معه نواف وفاطمه وهند
سيارة ابو احمد تحركت
_________________________________________________
بقى سيارة احمد ينتظرون فاطمه وهند
احمد معصب من الانتضار : اووووووووووف منهم صراحه كأنهم يفصلون العبايات ساعه علشان يلبسون
نواف: والله على بالهم نانسي عجرم ههههههههههههههه
احمد عطاه نظره يعني اسكت ماني ناقصك
نزل احمد معصب على البنات دخل على الصاله الا البنات لابسات عبياتهم وفاطمه تتهاوش مع هند
احمد: لا والله اجلسو بعد ولا وش رايكم اجيب لكم قهوه وشاهي
فاطمه: اييييييه تكفى بس جب بعد شوكليت
احمد يقلد كلام فاطمه : شوكليت اقول يالله كل وحده تركب بالسياره
هند فيها نوم: احمد
احمد: خير وش تبين
هند: تكفى فيني نوم ودي انام شوي ونروح العصر وش رايك؟
احمد عصب بعد كلام هند وحركات فاطمه: اقول يالله اطلعو دام النفس عليكم طيبه
هند وفاطمه خافو يوم شافو احمد معصب وراحو يركبون السياره
في السياره احمد قدام وعلى يمينه نواف اخوه وورا هند وفاطمه
احمد وقف عند السوبرماركت: وش تبون مشروبات؟
فاطمه : انا ابي بيبسي
هند: وانا ابي انام
احمد جلس يضحك على اخته رحم شكلها كانت فيها نوم:طيب نامي بالسياره بس قولي لي وش تبين؟
هند: ابي بايسن
احمد التفت على نواف: نوافوه وش تبي انت؟
نواف : ابي هولستن رمان
راح احمد لسوبرماركت واخذ الاغراض وطلع
************************************************** **********

في الثانيه بالتحديد سيارة فهد
كان الجو هدوء بالسياره وكانت بس اغنية روح الروح لعبدالمجيد عبدالله
هيفاء خربت الجو: اقول وش فيكم ساكتين؟
فهد سكر الاغنيه : ايه صح وش فيكم ساكتين؟
غدير : مادري عنكم انتم ساكتين
الهنوف شافت سيارة ولد عمها احمد وصرخت: وااااااااااااااااااااااو شوفو بنات عمي
طلال : فقعتي اذني شوي شوي وش شايفه توم كروز
فهد جلس يضحك على اخوه
غدير: اللللللللللللللللللللللللللللللله توم كروز طلال تكفى بطلب طلب قل تم
طلال : امري ياتؤام روحي
غدير: ابي فلم توم كروز امس نزل البنات يقولون حلو
فهد: اقول ورى ماتسكتين قال توم كروز قال شوفيني انا عندك احلى من توم كروز
هيفاء: اقول لا تتقطع يافزاع هههههههههههههههههههههه
فهد تنرفز من اخته و كمل طريقه للمزرعه

************************************************** **********************
في الجهه الثانيه وتحديدا سيارة عبد العزيز
شذى: فوفو
في: هلا
شذى: جبتي الشكوليت ولا لا
في قمزت من مكانها: لا نسيت راكان تكفى وقف عند السبرماركت
راكان: توك تتكلمين
في: تكفى
راكان: طيب
راح راكان للسبر ماركت وشكل لهم شوكليت وجابه
في: شكرا
راكان: العفو
شذى: حمودي
محمد: لبيه
شذى : اطرب لنا>> على فكره محمد رووووووووووووووووعه صوته يخقق
محمد: امري اي اغنيه تبين
شذى: اغنية يوسف العماني يعشقني
محمد: واو الغنيه هاذي اموت عليها
غناء لهم وخلص
راكان قعد يصفق
وشذى تصفر
وفي تصفق
شذى: اه بس فديت ذى الصوت
محمد: مشكورين
************************************************** ***********
ابو ياسر حركت سيارته ومعه العمه شوق
وسيارة ياسر تحركت
انوار: وه بس فديت الهنوف من مته عنها مشتاقه لها
ملاك قعدت تغني التكسي: مشتاقه حبيبتي مشتاقه
انوار قاطعتها:اقول وراء ماتسكتين انتي وذى الصوت
ملاك :لالا اكيد غيرانه
انوار:من زينك ومن زين ذى الصوت
ياسر:زينكم ساكتين تهبلون اشكالكم ساكتين شوفوا نوره زين الزين
نوره: تسلم اخوي
انوار وملاك :مصدقه رووحه
ياسر:بسسسسسسسسس
__________________________________________________ ________
الكل وصل للمزرعه
الهنوف: هاااااااي
البنات: هايات
جت غدير: هااااااااي
البنات: هايات
الهنوف : كيفكم يادبب وحشتوني
هند: انتي الي وينك ياقلبي
الهنوف: تسلمين
جت انوار ركض وضمت الهنوف والهنوف ضمتها
انوار: يادب وحشتييييييييييييييييني وش ذى الغيبه
الهنوف مبتسمه: وانتي يادب اكثر
في: هاه بنات كل وحده جابت شوكليت وشبسات وبيبسي وحلى وقهوه ووووو
البنات: ايه
جلسوا البنات ياكلون ويفرفشون وكل وحده تاخذ اخبار الثانيه
في الجهه الثانيه عند الشيبان
الجد: هاه عبد الرحمن اخبارك؟
عبد الرحمن: والله بخير وانت اخبارك؟
الجد : والله بخير الله يسلمك
الجد: وانت عمر اخبارك؟
عمر: والله ياعمي بخير وانت ياعمي؟
الجد : بخير
الجد: الا وش اخبار الشركه ياعبد الله تمشي
عبد الله : اي والله يبه
الجد: والموضفين شلون شغلهم
عبد الله: حلو
الجد: وعبد الله وياسر
عبد الله: الا هذولي لا اله الا الله كل واحد احسن من الثاني
الجد: انا مأخترتهم الا عارف شغلهم زين رجاجيل
ناصر:وأحسن رجاجيل

مصدر الموضوع الاصلي: رواية انت لي مو لحد ثاني

مصدر الموضوع الاصلي: رواية انت لي مو لحد ثاني

مصدر الموضوع الاصلي: رواية انت لي مو لحد ثاني

مصدر الموضوع الاصلي: رواية انت لي مو لحد ثاني

وين الباقى

مصدر الموضوع الاصلي: رواية انت لي مو لحد ثاني