الـسـمـك الـفـيـلـيـه والارز بـالـجـمـبـرى بصور

الـسـمـك الـفـيـلـيـه والارز بـالـجـمـبـرى بصور

مصدر الموضوع الاصلي: الـسـمـك الـفـيـلـيـه والارز بـالـجـمـبـرى بصور

يلا نبتدى بسم الله

المقادير

المقادير اللى هقولها دى تكفى من 4 الى 6 افراد

كيلو سمك فليه اى نوع تفضليه وانا بفضل قشر البياض
نص كيلو جمبرى رز
3 اكواب ارز
بصله كبيره مفرومه اومقطعه مكعبات صغيره
3 او 4 وحدات طماطم مضروبه فى الخلاط بس خشنه وممكن الاستغناء عنها ب 2 معلقة صلصه
توم انا بستعمل توم مفروم فستعملت 4معالق كبيره
3 ليمونات
2 معلقة خل
توابل ( ملح وفلفل وكمون وجنزبيل و ورق لورى وبهارات سمك )
زيت
دقيق مخلوط ببقسماط

الطريقه

اولا السمك

بعد غسله كويس جدا بتبل السمك
فى طبق بحط التوم والخل والكمون والملح والفلفل الاسود وبهارات السمك والجنزبيل وورق اللورى والليمون
وابتدى بقى اتبل السمك واحده واحده كويس جدا
واسيبه من ساعه ل 3 ساعات مش اكتر

وبعدين ما يتبل كويس اجيب طبق فيه الدقيق المخلوط بالبقسماط زى الصوره كده

وبعدين احط السمك فى الزيت على النار ولما يبقى لونه ذهبى اطلعه على ورق المطبخ علشان يتصفى من الزيت زى الصوره كده

وده شكله النهائى

ثانيا-الرز بالجمبرى

بعد ما اغسل الجمبرى كويس جدا واشيل الخط الاسود اللى فيه انقعه فى ميه وخل وبعدين اغسله تانى

احمر البصله المفرومه ولما تتحمر احط الطماطم او الصلصه واقلب شويه لحد ما تبقى زى الصوره

وبعدين احط الجمبرى

واقلبهم شويه على النار

واحط التوابل ملح وفلفل وبهارات السمك و ميه واغطى الحله واسيبه يتشرب 10 دقايق تقريبا

وبعدين احط الرز والميه زى الصور واسيبه يستوى من نص ساعه لساعه الا ربع على حسب نوع الرز

وده شكله النهائى

كده خلصت ايه رأيكم بقى يا قمرات سهل صح

يا رب يكون عجبكم
و يا رب اكون قدرت افيد يا رب
واخيرا بقى --لو عجبك الموضوع قيميه على حسب ما انتى شايفه
منقووول